პოლიციამ ცეცხლსასროლი იარაღი და საბრძოლო მასალა ამოიღო - დაკავებულია ხუთი პირი

© Sputnik / Alexander Imedashviliსაპატრულო პოლიცია
საპატრულო პოლიცია - Sputnik საქართველო, 1920, 18.07.2022
გამოწერა
Yandex newsTelegram
პოლიციის მიერ დაკავებული ხუთივე პირი წარსულში ნასამართლევია სხვადასხვა დანაშაულისთვის.
თბილისი, 18 ივლისი – Sputnik. პოლიციამ უკანონო ცეცხლსასროლი იარაღი და საბრძოლო მასალა ამოიღო, საქმეზე დაკავებულია ხუთი პირი, ნათქვამია შინაგან საქმეთა სამინისტროს მიერ გავრცელებულ ინფორმაციაში.
სამართალდამცველებმა ერთ-ერთი ბრალდებულის პირადი ჩხრეკისას ნივთმტკიცებად ამოიღეს პისტოლეტი. მეორე დაკავებულის საცხოვრებელი სახლიდან ამოღებულია ავტომატი, ორი მჭიდი და 10 ვაზნა.
რაც შეეხება მესამე ბრალდებულს, მისი საცხოვრებელი ბინის ჩხრეკისას პოლიციამ ამოიღო პისტოლეტი და 17 ვაზნა. კიდევ ერთი დაკავებულის პირადი ჩხრეკისას ცეცხლსასროლი იარაღი და ხუთი ვაზნა ამოიღეს, ხოლო მეხუთე ბრალდებულის მიერ მითითებულ ადგილიდან პოლიციამ პისტოლეტი, მჭიდი და ორი ვაზნა ამოიღო.
აღსანიშნავია, რომ ხუთივე დაკავებული წარსულში ნასამართლევია.
ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვისა და ტარების ფაქტებზე გამოძიება საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს.
დანაშაულები 3-დან 7 წლამდე ვადით თავისუფლების აღკვეთას ითვალისწინებს.
ყველა ახალი ამბავი
0