https://sputnik-georgia.com/20220716/susis-pirveli-komentari-ratom-daakaves-soso-gogasvili-268578334.html
სუსის პირველი კომენტარი: რატომ დააკავეს სოსო გოგაშვილი
სუსის პირველი კომენტარი: რატომ დააკავეს სოსო გოგაშვილი
Sputnik საქართველო
ჯერჯერობით უცნობია, საქმეზე რა მუხლით მიმდინარეობს გამოძიება.
2022-07-16T15:01+0400
2022-07-16T15:01+0400
2022-07-16T15:02+0400
ახალი ამბები
საქართველო
პოლიტიკა საქართველოში
https://cdnn1.img.sputnik-georgia.com/img/23558/55/235585591_0:5:1100:624_1920x0_80_0_0_e0c8ca24a2f279652f752c71c172e2a0.jpg
თბილისი, 16 ივლისი – Sputnik. სუსის უფროსის ყოფილი მოადგილის, სოსო გოგაშვილის დაკავების ფაქტს სახელწიფო უსაფრთხოების სამსახურში ადასტურებენ, იუწყება „პირველი არხი“.სახელმწიფო უსაფრთხოების სამსახურის უფროსის ყოფილი მოადგილის, სოსო გოგაშვილის დაკავების სპეცოპერაციის კადრები დღეს სოციალურ ქსელში გავრცელდა. სპეცოპერაცია გვიან ღამით ჩატარდა. დაკავების ოპერაცია გოგაშვილის მეუღლემ მობილური ტელეფონით გადაიღო.სახელწიფო უსაფრთხოების სამსახურში სხვა დეტალებზე არ საუბრობენ. ასევე, უცნობია, რას ედავებიან სუს-ის უფროსის ყოფილ მოადგილეს და რა მუხლით მიმდინარეობს გამოძიება.გოგაშვილის დაკავებას წინ სკანდალი უძღოდა - ორი დღის წინ ტელეარხ „მაესტროზე“ გამოქვეყნდა ოპოზიციური ტელეკომპანია „მთავარში“ სარედაქციო თათბირის აუდიოჩანაწერი.აუდიოჩანაწერიდან, რომელიც 2021 წლის ნოემბერში გაკეთდა, ირკვევა, რომ გადაცემა Post Factum-ის წამყვანი გიორგი გაბუნია ორ ჟურნალისტთან და პროდიუსერთან ერთად გეგმავდა სიუჟეტს სპეცსამსახურების ინფორმატორების შესახებ. ამასთან, საუბარში ჟურნალისტები საკუთარ ინფორმატორს ასახელებდნენ, რომელიც სახელმწიფო უსაფრთხოების სამსახურის ოპერაციების შესახებ საიდუმლო ინფორმაციას მათ რამდენიმე წლის განმავლობაში აწვდიდა. ეს ინფორმატორი სოსო გოგაშვილი აღმოჩნდა.იოსებ გოგაშვილმა სახელმწიფო უსაფრთხოების სამსახურის უფროსის მოადგილის თანამდებობა 2018 წელს დატოვა. სუსიდან წასვლის შემდეგ გოგაშვილი მმართველ პარტია „ქართულ ოცნებაში“ მუშაობდა, სადაც მონიტორინგის, კოორდინაციისა და ანალიტიკის დეპარტამენტს ხელმძღვანელობდა, თუმცა ეს 2020 წელს სამსახურიც დატოვა.გოგაშვილმა მიმდინარე წლის 15 ივლისს სოციალურ ქსელში წერილი გამოაქვეყნა, სადაც ამბობს, რომ აქვს 2021 წლის ადგილობრივი არჩევნების შედეგების გაყალბების მტკიცებულებები. ის ხაზს უსვამს, რომ მმართველმა პარტია „ქართული ოცნება - დემოკრატიულმა საქართველომ“ თავისსავე „გაფუჭებული და აქოთებული ძალიან ბევრი საქმე შეტენა“ მას, რასაც აწი აღარ დაუშვებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
სუსი პირველი კომენტარი სოსო გოგაშვილი დაკავება განჩინება
სუსი პირველი კომენტარი სოსო გოგაშვილი დაკავება განჩინება
სუსის პირველი კომენტარი: რატომ დააკავეს სოსო გოგაშვილი
15:01 16.07.2022 (განახლებულია: 15:02 16.07.2022) ჯერჯერობით უცნობია, საქმეზე რა მუხლით მიმდინარეობს გამოძიება.
თბილისი, 16 ივლისი – Sputnik. სუსის უფროსის ყოფილი მოადგილის, სოსო გოგაშვილის დაკავების ფაქტს სახელწიფო უსაფრთხოების სამსახურში ადასტურებენ, იუწყება „პირველი არხი“.
სახელმწიფო უსაფრთხოების სამსახურის უფროსის ყოფილი მოადგილის, სოსო გოგაშვილის დაკავების სპეცოპერაციის კადრები დღეს სოციალურ ქსელში გავრცელდა. სპეცოპერაცია გვიან ღამით ჩატარდა. დაკავების ოპერაცია გოგაშვილის მეუღლემ მობილური ტელეფონით გადაიღო.
როგორც სუს-ში აცხადებენ, გოგაშვილის დაკავება მოხდა მიმდინარე გამოძიების ფარგლებში, მოსამართლის განჩინების საფუძველზე. ჩხრეკა მის სახლში ასევე მოსამართლის განჩინების საფუძველზე ჩატარდა და აუცილებელი გახდა სუსის უფროსის ყოფილი მოადგილის დაკავება.
სახელწიფო უსაფრთხოების სამსახურში სხვა დეტალებზე არ საუბრობენ. ასევე, უცნობია, რას ედავებიან სუს-ის უფროსის ყოფილ მოადგილეს და რა მუხლით მიმდინარეობს გამოძიება.
გოგაშვილის დაკავებას წინ სკანდალი უძღოდა - ორი დღის წინ ტელეარხ „მაესტროზე“ გამოქვეყნდა ოპოზიციური ტელეკომპანია „მთავარში“ სარედაქციო თათბირის აუდიოჩანაწერი.
აუდიოჩანაწერიდან, რომელიც 2021 წლის ნოემბერში გაკეთდა, ირკვევა, რომ გადაცემა Post Factum-ის წამყვანი გიორგი გაბუნია ორ ჟურნალისტთან და პროდიუსერთან ერთად გეგმავდა სიუჟეტს სპეცსამსახურების ინფორმატორების შესახებ. ამასთან, საუბარში ჟურნალისტები საკუთარ ინფორმატორს ასახელებდნენ, რომელიც სახელმწიფო უსაფრთხოების სამსახურის ოპერაციების შესახებ საიდუმლო ინფორმაციას მათ რამდენიმე წლის განმავლობაში აწვდიდა. ეს ინფორმატორი სოსო გოგაშვილი აღმოჩნდა.
იოსებ გოგაშვილმა სახელმწიფო უსაფრთხოების სამსახურის უფროსის მოადგილის თანამდებობა 2018 წელს დატოვა. სუსიდან წასვლის შემდეგ გოგაშვილი მმართველ პარტია „ქართულ ოცნებაში“ მუშაობდა, სადაც მონიტორინგის, კოორდინაციისა და ანალიტიკის დეპარტამენტს ხელმძღვანელობდა, თუმცა ეს 2020 წელს სამსახურიც დატოვა.
გოგაშვილმა მიმდინარე წლის 15 ივლისს სოციალურ ქსელში წერილი გამოაქვეყნა, სადაც ამბობს, რომ აქვს 2021 წლის ადგილობრივი არჩევნების შედეგების გაყალბების მტკიცებულებები. ის ხაზს უსვამს, რომ მმართველმა პარტია „ქართული ოცნება - დემოკრატიულმა საქართველომ“ თავისსავე „გაფუჭებული და აქოთებული ძალიან ბევრი საქმე შეტენა“ მას, რასაც აწი აღარ დაუშვებს.
