მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ტანზანიაში უცნობმა ვირუსმა იფეთქა: დაღუპულია სამი ადამიანი

  - Sputnik საქართველო, 1920, 15.07.2022
გამოწერა
თბილისი, 15 ივლისი — Sputnik. უცნობმა დაავადებამ, რომლის დაფიქსირებაც ათი დღის წინ დაიწყეს ტანზანიაში, უკვე სამი ადამიანი იმსხვერპლა, იუწყება ადგილობრივი გამოცემა Citizen.
გავრცელებული ინფორმაციით, ეს ჯანდაცვის სპეციალისტთა სამთავრობო ჯგუფის სამხრეთ ტანზანიის რეგიონ ლინდიში ჩასვლის მეორე დღეს მოხდა. ჯგუფის მიზანი იყო გამოეკვლია „უცნაური“ დაავადება, რომელსაც ცხვირიდან სისხლდენა ახლდა თან.
სულ დაავადება 11 ადამიანს დაუდგინდა, რომელთაგან სამი გარდაიცვალა, ხუთი იზოლირებულია, ხოლო დანარჩენები შინ გაწერეს.
როგორც ქვეყნის მთავარმა ექიმმა აიფელო სიჩვალემ განმარტა, საავადმყოფოში შეყვანილ პაციენტებს ცხელება, თავის ტკივილი, დაღლილობა და ცხვირიდან სისხლდენა აღენიშნებოდათ.
ტანზანიის პრეზიდენტის თქმით, ერთი ჰიპოთეზით, დაავადება გარემოზე ადამიანის მავნე ზემოქმედებით გამოწვეულმა დეგრადაციამ გააჩინა — ზოგი ველური ცხოველის ბინადრობის არეალი დაირღვა და ისინი იძულებული გახდნენ მიახლოებოდნენ დასახლებულ პუნქტებს, რამაც ნეგატიური გავლენა მოახდინა ადამიანების ჯანმრთელობაზე.
ამასთან ვრცელდება ინფორმაცია, რომ ავადმყოფებისთვის აღებულმა ანალიზებმა არ დაადასტურა ებოლა, მარბურგის ცხელება თუ კორონავირუსი.
ამ დროისათვის ლინდიში ჩასული მეცნიერთა ჯგუფი ცდილობს გაარკვიოს, რა იდუმალ დაავადებასთან აქვთ საქმე.
აღსანიშნავია, რომ ტერიტორია, სადაც ვირუსმა იფეთქა, არც ისე შორს არის ტურისტული მარშრუტებიდან. შესაბამისად, მოგზაურებს სიფრთხილის გამოჩენა მართებთ, თუ ტანზანიაში წასვლას გადაწყვეტენ.
ყველა ახალი ამბავი
0