ფულადი გზავნილები საქართველოში - ახალი სტატისტიკა

© Pixabay / falcoევროს კუპიურები
ევროს კუპიურები - Sputnik საქართველო, 1920, 15.07.2022
გამოწერა
Yandex newsTelegram
ფულადი გზავნილების მოცულობით ამჟამად კვლავ რუსეთი ლიდერობს.
თბილისი, 15 ივლისი — Sputnik. საქართველოს კომერციულ ბანკებში ელექტრონული სისტემებით განხორციელებული ფულადი გზავნილების მოცულობა 2022 წლის ივნისში, წინა წლის ანალოგიური პერიოდის მაჩვენებელთან შედარებით, 111,7%-ით გაიზარდა და 427,4 მლნ აშშ დოლარი შეადგინა, იუწყება საქართველოს ეროვნული ბანკი.
ფულადი გზავნილების მოცულობით კვლავ რუსეთი ლიდერობს.
საანგარიშო პერიოდში რუსეთიდან საქართველოში გადმორიცხული თანხის მოცულობამ 231,44 მილიონი დოლარი შეადგინა. ეს ქართულ კომერციულ ბანკებში ელექტრონული სისტემებით ფულადი გადარიცხვების 54,16%-ია.
ივნისში, გასული წლის ანალოგიურ პერიოდთან შედარებით, რუსეთიდან 492,20%-ით მეტი თანხა გადმოირიცხა.
2022 წლის ივნისში მთლიანად ქვეყანაში შემოსული ფულადი გზავნილების ნაკადების მოცულობა 225,5 მლნ აშშ დოლარით (111,7%-ით) მეტია 2021 წლის ივნისის ანალოგიურ მაჩვენებელზე.
რაც შეეხება საქართველოდან გაგზავნილი ვალუტის მოცულობას, 2022 წლის ივნისში საქართველოდან საზღვარგარეთ 29,6 მლნ აშშ დოლარი გადაიგზავნა, რაც წინა წლის ანალოგიურ მაჩვენებელთან შედარებით 11,7%-ით მეტია.
ყველა ახალი ამბავი
0