ევროკომისიის ანალიტიკური ანგარიში საქართველოს შესახებ დეკემბერში იქნება მზად

© AP Photo / Geert Vanden Wijngaertდროშები ნატოს შენობასთან ბრიუსელში
დროშები ნატოს შენობასთან ბრიუსელში - Sputnik საქართველო, 1920, 15.07.2022
გამოწერა
Yandex newsTelegram
ევროკავშირი ასრულებს პირობებს და ამასვე ელოდება საქართველოსგან, აღნიშნა ევროკომისიის სპიკერმა.
თბილისი, 15 ივლისი – Sputnik. ევროკომისია ანალიტიკურ ანგარიშს საქართველოს შესახებ 2022 წლის დეკემბერში გამოაქვეყნებს, განაცხადა ევროკომისიის სპიკერმა პიტერ სტანომ.
მისი თქმით, სრულფასოვანი ანგარიში გაფართოებულ ფორმატში, რომელიც ასევე მოიცავს უკრაინასა და მოლდოვას, მზად 2023 წელს იქნება.

„ევროკავშირი ასრულებს პირობებს და პირობების შესრულებას მოელის საქართველოსგანაც“, – განაცხადა სტანომ ტელეკომპანია „იმედის“ ეთერში.

ევროკავშირის საბჭომ ივნისში გადაწყვიტა აღიაროს საქართველოს ევროპული პერსპექტივა და გამოთქვა მზადყოფნა, მიანიჭოს მას კანდიდატის სტატუსი, როგორც კი დასახული პრიორიტეტები, კერძოდ, 12 პირობა შესრულდება.
როგორც ევროკომისიაში თავდაპირველად განმარტეს, ისინი ქვეყანაში მიმდინარე პროცესებს დააკვირდებიან და 2022 წლის ბოლოს ანგარიშს მოამზადებენ, მაგრამ ოთხშაბათს ევროკომისიის წარმომადგენელმა მიხაილ რუპმა განაცხადა, რომ საქართველოს პირობების შესრულებისთვის მეტი დრო ექნება.
მისი თქმით, ევროკომისიამ გადაწყვიტა არ დააჩქაროს ქართული პოლიტიკური ელიტა დეპოლიტიზაციის საკითხში, რათა მხარეები დასხდნენ მაგიდასთან და რეფორმებზე დაიწყონ მუშაობა.
ყველა ახალი ამბავი
0