მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

აშშ თავდაცვით ხარჯებს რეკორდულად ზრდის: კონგრესმა 840 მლრდ-იანი ბიუჯეტი მოიწონა

© AP Photo / J. Scott Applewhite
  - Sputnik საქართველო, 1920, 15.07.2022
გამოწერა
თბილისი, 15 ივლისი — Sputnik. აშშ-ის კონგრესის წარმომადგენელთა პალატამ მოიწონა კანონპროექტი, რომლის თანახმადაც მომავალ წელს ქვეყნის თავდაცვის ხარჯები 800 მილიარდ დოლარს გადააჭარბებს, იუწყება ამერიკული მედია.
გავრცელებული ინფორმაციით, კანონპროექტში საუბარია 840 მილიარდ დოლარზე, რაც 37 მილიარდი დოლარით აღემატება პრეზიდენტ ჯო ბაიდენის მიერ შეთავაზებულ ბიუჯეტს.
წარმომადგენელთა პალატის კანონპროექტით, პენტაგონს დისკრეციული ხარჯებისთვის 808,4 მილიარდი დოლარი უნდა გამოეყოს, ენერგეტიკის სამინისტროს — 30,5 მილიარდი, ხოლო თავდაცვასთან დაკავშირებულ სხვა უწყებებს — 400 მილიონი დოლარი.
ეროვნული თავდაცვის დაფინანსების შესახებ კანონის მიღებას (რომელიც პენტაგონის ბიუჯეტის რაოდენობას განსაზღვრავს) 329 კონგრესმენმა დაუჭირა მხარი, 101 კი წინააღმდეგი იყო.
აღინიშნება, რომ სენატში კენჭისყრა ჯერ არ ჩატარებულა, მაგრამ სენატის შეიარაღებული ძალების კომიტეტმა მანამდე უკვე დაუჭირა მხარი ბიუჯეტის კიდევ მეტით — 45 მლრდ დოლარით გაზრდას.
ორივე პალატა საბოლოო თანხას ერთობლივ სესიაზე განსაზღვრავს, ხოლო კანონპროექტის კომპრომისულ ვარიანტს წარმომადგენლობით პალატასა და სენატში მიმდინარე წლის ბოლოს წარადგენენ.
ყველა ახალი ამბავი
0