მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

იტალიის პრემიერ-მინისტრი თანამდებობას ტოვებს

© AP Photo / Luca Brunoმარიო დრაგი
მარიო დრაგი - Sputnik საქართველო, 1920, 14.07.2022
გამოწერა
Yandex newsTelegram
დღეს იტალიის პარლამენტის სენატმა ქვეყნის მთავრობას ნდობა გამოუცხადა
თბილისი, 14 ივლისი – Sputnik. იტალიის პრემიერ-მინისტრმა მარიო დრაგიმ განაცხადა, რომ გადადგება მთავრობის მეთაურის პოსტიდან, ამის შესახებ მან მინისტრთა საბჭოს სხდომაზე განაცხადა.
„მინდა განგიცხადოთ, რომ დღეს საღამოს რესპუბლიკის პრეზიდენტს გადადგომის შესახებ განცხადებას გადავცემ“, – ციტირებს მის სიტყვებს მთავრობის სასახლის პრესსამსახური.
დღეს იტალიის პარლამენტის სენატმა ქვეყნის მთავრობას ნდობა გამოუცხადა მას შემდეგ, რაც მმართველი კოალიციის ერთ-ერთმა წევრმა, „5 ვარსკვლავების მოძრაობამ“ (D5Z) უარი თქვა კენჭისყრაში მონაწილეობაზე.
„დღევანდელი კენჭისყრა პარლამენტში არის ძალიან მნიშვნელოვანი მოვლენა პოლიტიკური თვალსაზრისით”, - განაცხადა დრაგიმ.
მისი თქმით, ეს ნიშნავს, რომ „საერთო ეროვნული უმრავლესობა, რომელიც თავიდან მხარს უჭერდა ხელისუფლებას, აღარ არსებობს“.
სიტუაციის სირთულე იმაში მდგომარეობს, რომ მმართველ კოალიციას „მოძრაობის“ შესაძლო გასვლის შემდეგაც ექნება საჭირო მხარდაჭერა პარლამენტში, თუმცა თავად დრაგიმ ადრე არაერთხელ განაცხადა, რომ მზად არ არის უხელმძღვანელოს მთავრობას, თუ მასში „მოძრაობა“ არ იქნება წარმოდგენილი, ასევე ის არ აპირებს მინისტრთა საბჭოს ახალი შემადგენლობის ჩამოყალიბებას უმრავლესობის ახალი კონფიგურაციის გათვალისწინებით.
ყველა ახალი ამბავი
0