„ხელფასი 40 ლარი იყო. მაშინ მივხვდი, რომ...“ - რუსკა მაყაშვილი
16:11 13.07.2022 (განახლებულია: 20:51 13.07.2022)
© courtesy of Ruska Makashvili
გამოწერა
მსახიობმა და ტელეწამყვანმა რუსკა მაყაშვილმა ფინანსების სწორად გადანაწილებაზე და ფულის პრაგმატულად ხარჯვაზე ჟურნალ „თბილისელებთან“ ინტერვიუში ისაუბრა.
„ჩემი პირველი ხელფასი 40 ლარი იყო. სტუდენტურ სპექტაკლში ვითამაშე. მაშინ თეატრალურში ჩაბარებულიც არ მქონდა, მოსამზადებელი პერიოდი იყო. ეს 40 ლარი „მაკდონალდსში“ დავხარჯე. გულწრფელად ვამბობ, მართლა საოცარი შეგრძნება იყო – რაღაც გავაკეთე, ვიმუშავე და ჰონორარი ავიღე. უდიდესი სიამოვნება მივიღე. თავი ძალიან მაგარი მეგონა. პრინციპში, მაშინ „მოვიწამლე“ ამ შეგრძნებით და მას შემდეგ სულ მინდოდა, რომ საკუთარი გამომუშავებული ფული მქონოდა“, – ამბობს რუსკა.
მისი თქმით, სწორედ მაშინ გადაწყვიტა, რომ არასდროს არავის ხარჯზე არ იცხოვრებდა და ყოველთვის საკუთარ თავზე იქნებოდა დამოკიდებული.
„პირველად ვიგრძენი, რამხელა სიამოვნებაა, როცა ფულს საყვარელი საქმით გამოიმუშავებ", – ამბობს ინტერვიუში რუსკა მაყაშვილი.
