„ეს იურიდიული გაუნათლებლობაა“ - პესკოვის კომენტარი იჩქერიის აღიარებაზე

© photo: Sputnik / Sergey Guneev / ფოტობანკში გადასვლადმიტრი პესკოვი
დმიტრი პესკოვი - Sputnik საქართველო, 1920, 13.07.2022
გამოწერა
Yandex newsTelegram
თბილისი, 13 ივლისი — Sputnik.უკრაინის უმაღლეს რადაში შეტანილი კანონპროექტი იჩქერიის აღიარების შესახებ იურიდიული გაუნათლებლობა და კაზუსია, განაცხადა რუსეთის პრეზიდენტის პრეს-მდივანმა დმიტრი პესკოვმა.
მისი თქმით, ასეთი სუბიექტი უბრალოდ არ არსებობს.

„აქ უბრალოდ იურიდიული გაუნათლებლობაა, იმიტომ რომ ასეთი სუბიექტი არ არსებობს. ანუ, ეს სამართლებრივი კაზუსია. ეს უმაღლეს რადაში საკანონმდებლო მუშაობის ხარისხზე მეტყველებს", — განუცხადა პესკოვმა ჟურნალისტებს.

მანამდე უკრაინული მედიით გავრცელდა ინფორმაცია, რომ უმაღლესი რადის დეპუტატებმა — ალექსეი გონჩარენკომ და მუსა მაგომედოვმა პარლამენტს განსახილველად წარუდგინეს კანონპროექტი, რომელიც ჩეჩნეთის რესპუბლიკა იჩქერიის დამოუკიდებლობის აღიარებას მოიაზრებს. დოკუმენტი რადაში 11 ივლისს შევიდა.
ჩეჩნეთის რესპუბლიკა იჩქერია საბჭოთა კავშირის დაშლის შემდეგ დაარსდა ყოფილი ჩეჩნეთ-ინგუშეთის ასსრ-ის ტერიტორიაზე. ის დე ფაქტო ლიკვიდირებულად გამოცხადდა რუსეთ-ჩეჩნეთის მეორე ომის დროს — 2000 წლის გაზაფხულზე.
ყველა ახალი ამბავი
0