მეუფე შიო: საჭიროა გვახსოვდეს ქრისტიანული ცხოვრების მთავარი მიზანი

© photo: Sputnik / სანთლები
სანთლები - Sputnik საქართველო, 1920, 13.07.2022
გამოწერა
Yandex newsTelegram
სვეტიცხოვლობა არის საქართველოს ერთ-ერთი მნიშვნელოვანი დღესასწაული, რომელსაც ქართველები სულიერი ერთობის სიმბოლოდ მიიჩნევენ.
თბილისი, 13 ივლისი — Sputnik. ჩვენ გვმართებს გვახსოვდეს, რომ ქრისტიანული ცხოვრების მთავარი მიზანია არ გაგვინელდეს სიყვარულის ცეცხლი, გავაღვივოთ და გავაძლიეროთ იგი, განაცხადა სენაკისა და ჩხოროწყუს ეპარქიის მიტროპოლიტმა, მეუფე შიომ სვეტიცხოვლის ტაძარში ქადაგებისას.
საქართველოს მართლმადიდებელი ეკლესია13 ივლისს წმინდა დიდებულთა ათორმეტთა მოციქულთა კრებას – სვეტიცხოვლობას აღნიშნავს.
„დღეს ჩვენ ვევედროთ უფალს, რომ მოგვცეს ეს სიყვარული, რომ შევძლოთ ნამდვილი ქრისტიანული ცხოვრება, შევძლოთ იმ დიდი მისიის აღსრულება, რომელიც დაგვაკისრა სწორედ ამ სამოციქულო მემკვიდრეობამ, რომლის წევრნიც ჩვენ ვართ მათ მიერ აღსრულებულ ეკლესიაში. ეს იქნება ჩვენი პასუხი, განსაკუთრებით დღევანდელ დღეს, როდესაც ვიხსენებთ წმინდა მოციქულებს“, – განაცხადა მეუფე შიომ.
სვეტიცხოველი - Sputnik საქართველო, 1920, 13.07.2022
საქართველოს მართლმადიდებელი ეკლესია სვეტიცხოვლობას აღნიშნავს
საქართველოში სვეტიცხოვლობის დღესასწაული წელიწადში ორჯერ, 14 ოქტომბერს და 13 ივლისს აღინიშნება. 14 ოქტომბერს ეკლესია ქრისტეს კვართს იხსენიებს, 13 ივლისს კი – ქრისტეს ყველა მოციქულს.
კრება წმიდათა დიდებულთა და ყოვლადქებულთა ათორმეტთა მოციქულთა უძველესი დღესასწაულია. ცნობები ამ დღესასწაულის აღნიშვნის შესახებ IV საუკუნიდან მოგვეპოვება.
ეკლესიას ჭეშმარიტების ამ ქადაგთაგან თითოეულის ღვაწლის მოსაგონებლად საგანგებო დღე აქვს დაწესებული, მაგრამ პეტრე-პავლობის მომდევნო დღეს ყველა მათგანს ერთად იხსენიებს.
ყველა ახალი ამბავი
0