NASA-ს ტელესკოპმა კოსმოსის უშორესი წერტილი გადაიღო - ფოტო
10:33 12.07.2022 (განახლებულია: 17:38 03.08.2023)
© Pixabay / WikiImages
გამოწერა
თბილისი, 12 ივლისი − Sputnik. კოსმოსურმა ტელესკოპმა James Webb-მა კოსმოსის უშორესი ნაწილის ყველაზე ღრმა, მკვეთრი და დეტალური სურათი გადაიღო, ნათქვამია აშშ-ის აერონავტიკისა და კოსმოსური სივრცის კვლევის ეროვნული ადმინისტრაციის (NASA) საიტზე.
აღინიშნება, რომ ეს ტელესკოპის მიერ გადაღებული ერთ-ერთი პირველი სრულფერებიანი ფოტოა.
It's here–the deepest, sharpest infrared view of the universe to date: Webb's First Deep Field.
— NASA (@NASA) July 11, 2022
Previewed by @POTUS on July 11, it shows galaxies once invisible to us. The full set of @NASAWebb's first full-color images & data will be revealed July 12: https://t.co/63zxpNDi4I pic.twitter.com/zAr7YoFZ8C
სურათზე აღბეჭდილია გალაქტიკათა გროვა SMACS 0723, როგორიც ის 4,6 მილიარდი წლის წინ იყო. NASA-ს სპეციალისტების თქმით, ამ გალაქტიკათა გროვის გაერთიანებული მასა გრავიტაციული ლინზის მსგავსად მოქმედებს − ადიდებს მის მიღმა მდებარე, ბევრად უფრო შორეულ გალაქტიკებს.
„ათასობით გალაქტიკა, მათ შორის ყველაზე მკრთალი ობიექტები, რომლებიც ოდესმე დაფიქსირებულა ინფრაწითელ დიაპაზონში, პირველად გამოჩნდა James Webb-ის ხედვის ველში. უკიდეგანო სამყაროს ეს ნაწილი ცას დაახლოებით ქვიშის მარცვლის ზომაზე ფარავს, რომელიც დედამიწაზე ვიღაცას თითქოს გაწვდილი ხელით უჭირავს“, – აცხადებენ მეცნიერები.
James Webb — ყველაზე დიდი და ყველაზე ძლიერი ტელესკოპია, რომელიც კაცობრიობას ოდესმე გაუშვია კოსმოსში. მისი დახმარებით მეცნიერებს შეუძლიათ გამოიკვლიონ კოსმოსის განვითარების ფაზები. ტელესკოპმა პირველი სურათი დედამიწაზე 2 თებერვალს გამოგზავნა, როდესაც ის ჩვენი პლანეტიდან 1,5 მილიონი კილომეტრით იყო დაშორებული. ტელესკოპმა მაშინ ფირზე მზის მსგავსი ვარსკვლავი HD 84406 აღბეჭდა.
წყარო: NASA
