Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

დაწესდება თუ არა ახალი კოვიდ-შეზღუდვები საქართველოში: მინისტრის განმარტება

© photo: Sputnik / Stringerგოგონები პირბადით
გოგონები პირბადით - Sputnik საქართველო, 1920, 11.07.2022
გამოწერა
Yandex newsTelegram
მინისტრმა მოუწოდა მოსახლეობას, არ აჰყვეს პანიკას, განსაკუთრებით, მაღალი ტემპერატურის დროს და დაავადების სხვა სიმპტომების არარსებობის შემთხვევაში.
თბილისი, 11 ივლისი – Sputnik. საქართველოში სტაბილური ეპიდემიოლოგიური მდგომარეობაა, ამიტომ კორონავირუსის შემთხვევების მატების გამო შეზღუდვებთან დაბრუნების საფუძველი არ არსებობს, განაცხადა ბრიფინგზე საქართველოს ჯანდაცვის მინისტრმა ზურაბ აზარაშვილმა.
ქვეყანა კორონავირუსის მორიგი, მეშვიდე ტალღისთვის ემზადება. შემთხვევების რაოდენობა ბოლო პერიოდში მნიშვნელოვნად გაიზარდა. ჯერ კიდევ ივნისში კვირაში 500-600 ახალი შემთხვევა ფიქსირდებოდა, ხოლო გასულ კვირაში 2.750 შემთხვევა გამოვლინდა.

„შეზღუდვების და ჩაკეტვების საფუძველი არ არის და დარწმუნებული ვარ, რომ არც იქნება“, – აღნიშნა აზარაშვილმა.

მინისტრმა მოუწოდა მოსახლეობას, არ აჰყვეს პანიკას, განსაკუთრებით, მაღალი ტემპერატურის დროს და დაავადების სხვა სიმპტომების არარსებობის შემთხვევაში.

„საკმაოდ მშვიდი სიტუაცია გვაქვს. ინფიცირების შემთხვევები არის, თუმცა სრულად მართვადია, მინიმალურ ზღვარზეა. რამდენიმე ქვეყანაში შედარებით მეტია, თუმცა ჩვენს შემთხვევაში მკვეთრი ზრდა არ არის“, – განაცხადა აზარაშვილმა.

მისი თქმით, ჯანდაცვის სისტემა მზად არის, საჭიროების შემთხვევაში უმკურნალოს პაციენტებს კლინიკებში.
სპეციალისტები ინფიცირების შემთხვევების მატებას უკავშირებენ „ომიკრონის“ შტამის ახალი ქვეტიპების გამოჩენას – В.А.4 და В.А.5. სპეციალისტების ინფორმაციით, კორონავირუსით ინფიცირებულ ყოველ მეორე ადამიანს ინფექციის სწორედ ეს ქვეტიპები აღენიშნება.
ეპიდემიოლოგების აზრით, ქვეყანა ვირუსის გავრცელების მორიგ ფაზაში ოქტომბერში შევა.
კორონავირუსის პანდემიის დაწყებიდან დღემდე საქართველოში დაფიქსირებულია ინფიცირების 1.662.299 შემთხვევა. ვირუსი დაამარცხა 1.643.579-მა პირმა, გარდაიცვალა 16.844. ამ დროისათვის ქვეყანაში 2.550 აქტიური შემთხვევაა.
საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა, ხოლო ახალი, „ომიკრონის" შტამის პირველი შემთხვევა ლაბორატორიულად 2021 წლის 20 დეკემბერს დადასტურდა. მანამდე ქვეყანაში კორონავირუსის ჩინური, ბრიტანული, ინდური შტამები ცირკულირებდა.
ყველა ახალი ამბავი
0