კვარაცხელიას პირველი გოლი „ნაპოლიში“ - ჯერჯერობით ვარჯიშზე

© AFP 2022 / KIRILL KUDRYAVTSEVხვიჩა კვარაცხელია
ხვიჩა კვარაცხელია - Sputnik საქართველო, 1920, 10.07.2022
გამოწერა
Yandex newsTelegram
ვარჯიშს „ნაპოლის“ უამრავი გულშემატკივარი ესწრებოდა. უპირველესად ხვიჩა კვარაცხელიასადმი მაღალი ინტერესის გამო.
თბილისი, 10 ივლისი – Sputnik. ხვიჩა კვარაცხელიამ ახალ კლუბში - „ნაპოლიში“ უკვე გამოიჩინა თავი - 21 წლის ქართველი ნახევარმცველი ვარჯიშის დროს ერთი გოლის და საგოლე პასის ავტორიც გახდა, წერს გამოცემა Corriere dello Sport.
ქართველი ფეხბურთელი ნეაპოლში 5 ივლისს გაემგზავრა და ერთ-ერთ გამორჩეულ იტალიურ საფეხბურთო კლუბს შეუერთდა. კლუბის ოფიციალური გვერდი 21 წლის ფეხბურთელს უკვე მიესალმა და წარმატებებიც უსურვა. კვარაცხელიას პირველი ვარჯიში 7 ივლისს შედგა.
როგორც გამოცემა წერს, ვარჯიშის შემდეგ ლუჩანო სპალეტიმ ფეხბურთელები ორ გუნდად გაყო - „ყვითლებად“ და „ლურჯებად“.
„ლურჯების“ პირველი გოლი პეტანიმ პენალტით გაიტანა. შემდეგ ყველაზე ნანატრი მომენტი – კვარაცხელიას გოლი, დრიბლინგი და მეკარის განადგურება, როცა ანგარიში 2:4 გახდა. „ყვითლების“ კიდევ ერთი გოლი ფოლორუნშოს დარტყმით კვარაცხელიას პასით გავიდა, ანგარიში 5:3 გახდა“, - წერს გამოცემა.
როგორც ავტორი აღნიშნავს, ვარჯიშს „ნაპოლის“ უამრავი გულშემატკივარი ესწრებოდა. უპირველესად ხვიჩა კვარაცხელიასადმი მაღალი ინტერესის გამო.
„ყველაფერი კარგი თამაშით დამთავრდა – კვარაცხელია თავიდანვე გამორჩეული იყო, გოლისა და ღირებული პასის ავტორი“, - წერს Corriere dello Sport.
საქართველოს ნაკრების 21 წლის თავდამსხმელმა აპრილში „ნაპოლისთან“ 5-წლიანი კონტრაქტი გააფორმა. ხვიჩა კვარაცხელია მესამე ქართველი ფეხბურთელია კახა კალაძისა და ლევან მჭედლიძის შემდეგ, რომელიც იტალიის სერია A-ში იასპარეზებს.
ყველა ახალი ამბავი
0