იაპონიის ექს-პრემიერი დაჭრილია: ვრცელდება კადრები ადგილიდან - ვიდეო
10:31 08.07.2022 (განახლებულია: 15:45 20.07.2023)
© AFP 2024 / JIJI PRESS
გამოწერა
თბილისი, 8 ივლისი − Sputnik. იაპონიის ყოფილი პრემიერ-მინისტრი სინძო აბე, რომელიც ქალაქ ნარაში ღია ცის ქვეშ გამოდიოდა სიტყვით, მოულოდნელად უგონოდ წაიქცა, იუწყება ტელეარხი NHK.
გავრცელებული ინფორმაციით, 67 წლის აბეს, რომელიც სასწრაფოდ ვერტმფრენით კლინიკაში გადაიყვანეს, ზურგიდან ესროლეს. თავდამსხმელი დაკავებულია.
High quality footage of the ex PM of Japan, Shinzo Abe being shot at from behind with an improvised double barreled shotgun .pic.twitter.com/5XFbUAjNUj
— Dr Moriarty (@aarjunx) July 8, 2022
ანონიმმა წყარომ NHK-ს აცნობა, რომ ყოფილი პრემიერის მდგომარეობა „საკმაოდ მძიმეა“. გავრცელდა ცნობა, რომ სინძო აბეს გულის გაჩერება დაუფიქსირდა, თუმცა ეს ინფორმაცია ოფიციალურად არ დაუდასტურებიათ.
თვითმხილველების თქმით, მათ ორი გასროლის ხმა გაიგონეს სინძო აბეს გამოსვლის დაწყებიდან რამდენიმე წუთის შემდეგ. ინციდენტის ერთ-ერთი შემსწრე ამბობს, რომ დაჭრილ ექს-პრემიერს გულის მასაჟი გაუკეთეს.
Emergency personnel moved a person believed to be former Japanese Prime Minister Shinzo Abe from an ambulance to a helicopter under a blue sheet, after Abe was shot during a campaign speech Friday in western Japan. https://t.co/u8MXjC3qrP pic.twitter.com/JwJhG9uCFE
— CBS News (@CBSNews) July 8, 2022
თავდამსხმელი 41 წლის ტეცუია იამაგამი აღმოჩნდა. მისი მოტივები ჯერჯერობით უცნობია. წინასწარი მონაცემებით, ექს-პრემიერს მან ზურგში კუსტარული იარაღიდან ესროლა, რომელიც უკვე ამოღებულია.
როგორც ადგილობრივი მედია წერს, იამაგამი იაპონიის საზღვაო ძალების ყოფილი მოსამსახურეა. სამართალდამცველების თქმით, თავდამსხმელმა უკვე განუცხადა გამოძიებას, რომ „უკმაყოფილოა ყოფილი პრემიერით და მისი მოკვლა სურდა“.
სინძო აბეს იაპონიის პრემიერ-მინისტრის პოსტი 2006-2007 და 2012-2020 წლებში ეკავა, რაც ქვეყნის ისტორიაში ყველაზე ხანგრძლივი პერიოდია პრემიერ-მინისტრისთვის. აბე თანამდებობიდან კოროვირუსული პანდემიის პერიოდში გადადგა და ამ გადაწყვეტილების მიზეზად ჯანმრთელობის პრობლემები დაასახელა.
წყარო: NHK
