მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

დადგინდა საუკეთესო ასაკი უცხო ენების შესასწავლად: ამერიკელ მეცნიერთა კვლევა

© Pixabay / sof_loბიჭი კითხულობს წიგნს
ბიჭი კითხულობს წიგნს  - Sputnik საქართველო, 1920, 08.07.2022
გამოწერა
Yandex newsTelegram
თბილისი, 8 ივლისი − Sputnik. უცხო ენის მაღალ, მშობლიური ენის დონეზე შესწავლის მეტი შანსი აქვთ მათ, ვინც სწავლას ბავშვობაში, ათი წლის ასაკამდე იწყებს, ასკვნიან მასაჩუსეტსის უნივერსიტეტის ნეირო- და კოგნიტიურ მეცნიერებათა ცენტრის (MIT) სპეციალისტები, რომელთა ნაშრომი ჟურნალ Cognition-ში გამოქვეყნდა.
მეცნიერებმა შეკრიბეს ინფორმაცია სხვადასხვა ეროვნებისა და ასაკის 670 ათასი ადამიანის შესახებ და მისი ანალიზისთვის სპეციალური კომპიუტერული მოდელი შეიმუშავეს.
რესპონდენტები, რომელთა შორის ყველაზე უმცროსები 10 წლის, ყველაზე უფროსები კი 70 წლისა იყვნენ, ანკეტებში უთითებდნენ ასაკს, ინგლისური ენის სწავლის „სტაჟსა“ და ასევე ავსებდნენ გრამატიკული წესების შესახებ ტესტს.
კვლევის შედეგად გაირკვა, რომ ყველაზე კარგად უცხო ენის გრამატიკას ბავშვები და მოზარდები ითვისებენ. მიუხედავად იმისა, რომ 18 წლის შემდეგ ენის სწრაფად ათვისების უნარი შენარჩუნებულია, მშობლიური ენის დონეზე სწავლის შესაძლებლობა იკლებს და უფრო რთულდება.
მასაჩუსეტსელი მეცნიერები ამბობენ, რომ აღნიშნული კანონზომიერება შესაძლოა აიხსნას როგორც ბიოლოგიური, ისე სოციოკულტურული ფაქტორებით, რომლებიც პიროვნების განვითარებაზე ახდენს გავლენას.

პროფესორ ჯოშ ტენენბაუმის თქმით, ეს ფაქტორები მას შემდეგ იჩენს თავს, რაც ადამიანი სრულწლოვანების ასაკს აღწევს, ანუ 17-18 წლის ახალგაზრდები უმეტეს შემთხვევაში ტოვებენ მშობლების სახლს, იწყებენ მუშაობას ან ხდებიან სტუდენტები და სწორედ ამიტომ ნებისმიერი ენის ათვისების სისწრაფე ნელდება.
წყარო: BBC
ყველა ახალი ამბავი
0