ქართველმა ძიუდოისტებმა ბუდაპეშტის გრანდ სლემზე ორი მედალი მოიპოვეს

© courtesy of Georgian Judo Federationლუხუმ ჩხვიმიანი
ლუხუმ ჩხვიმიანი - Sputnik საქართველო, 1920, 08.07.2022
გამოწერა
ლუხუმ ჩხვიმიანი ვერცხლის, ხოლო თემურ ნოზაძე ბრინჯაოს მედალს დაეუფლა.
თბილისი, 8 ივლისი - Sputnik. უნგრეთის დედაქალაქ ბუდაპეშტში მიმდინარე გრანდ სლემზე ქართველმა ძიუდოისტებმა ორი მედალი მოიპოვეს.
ორივე მედალი ქართველმა ძიუდოისტებმა 60 კილოგრამ წონით კატეგორიაში აიღეს. ლუხუმ ჩხვიმიანი ვერცხლის, ხოლო თემურ ნოზაძე ბრინჯაოს მედალს დაეუფლა.
ჩხვიმიანმა ბუდაპეშტში ასპარეზობა მე-2 წრიდან დაიწყო, სადაც ისრაელის წარმომადგენელი ლიორ რაფაილოვი დაამარცხა, მერე კი მოლდოველ ალეხანდრუ ტრისინას, იტალიელ ანჯელო პანტანოსა და ყაზახ ბაუირჟან ნარბაევს მოუგო. ლუხუმი ფინალში ბელგიელ იორე ფერსტრეტენს შეხვდა, რომელთანაც დამატებით დროში წააგო და ვერცხლის მედალს დასჯერდა.
თემურ ნოზაძემ ასპარეზობა ბრიტანელი დილან მუნროსთან და ეცი დავიდ ფულკრაბეკთან გამარჯვებით დაიწყო, თუმცა 1/4-ფინალში ყაზახ ბაუირჟან ნარბავეთან წააგო და რეპეშაჟში გადაინაცვლა, სადაც პირველ წრეში გამარჯვება მოახერხა, ხოლო ბრინჯაოს მედლისთვის ბრძოლაში მონღოლ სუმიაბაზარ ენხტაივანს შეხვდა, იპონით მოიგო და მედალს დაეუფლა.
აღსანიშნავია, რომ ტოკიოს ოლიმპიადის მეორეადგილოსანი ვაჟა მარგველაშვილი ბუდაპეშტში უმედლოდ დარჩა.
ბუდაპეშტის გრანდ სლემი შაბათ-კვირას გაგრძელდება და ტატამიზე კიდევ 10 ქართველი ძიუდოისტი გავა (8 ვაჟი და 2 ქალი).
ყველა ახალი ამბავი
0