პუტინი: რუსეთს უკრაინაში ომი ჯერ არ დაუწყია

© photo: Sputnik / Aleksey Nikolskiy / ფოტობანკში გადასვლავლადიმირ პუტინი
ვლადიმირ პუტინი - Sputnik საქართველო, 1920, 07.07.2022
გამოწერა
Yandex newsTelegram
რუსეთი უარს არ ამბობს სამშვიდობო მოლაპარაკებებზე, მაგრამ რაც უფრო გვიან დაიწყება ის, მით უფრო რთული იქნება შეთანხმება, განაცხადა პუტინმა
თბილისი, 7 ივლისი – Sputnik. რუსეთს უკრაინაში ჯერ სერიოზულად არაფერი დაუწყია, განაცხადა რუსეთის პრეზიდენტმა ვლადიმირ პუტინმა.
„დღეს ჩვენ გვესმის, რომ ჩვენი დამარცხება ბრძოლის ველზე სურთ. რა შეგვიძლია ვთქვათ – სცადონ. ჩვენ არაერთხელ მოგვისმენია, რომ დასავლეთს ჩვენთან ომი სურს უკანასკნელ უკრაინელამდე. ეს არის ტრაგედია უკრაინელი ხალხისთვის. თუმცა როგორც ჩანს, ყველაფერი ამისკენ მიდის“, – განაცხადა პუტინმა სახელმწიფო სათათბიროს ფრაქციების ლიდერებთან შეხვედრაზე.
მისი თქმით, კოლექტიურმა დასავლეთმა აშშ-ის მეთაურობით, რომელიც 10 წლის განმავლობაში უკიდურესად აგრესიულად იქცეოდა, საბოლოოდ დონბასში კონფლიქტი გააღვივა.
„კოლექტიური დასავლეთის მცდელობები, დაუწესოს კაცობრიობას თავისი მსოფლიო წესრიგი, განწირულია“, - ხაზგასმით აღნიშნა პუტინმა.
რუსეთის პრეზიდენტის თქმით, რუსეთმა სანქციების ზეგავლენას გაუძლო, ისინი იგრძნობა, მაგრამ არა ისე, როგორ ამას დასავლეთის ქვეყნები ვარაუდობდნენ.
„რუსეთი არ ამბობს უარს სამშვიდობო მოლაპარაკებებზე, მაგრამ რაც უფრო გვიან დაიწყება ის, მით უფრო რთული იქნება შეთანხმება“, - განაცხადა პუტინმა.
რუსეთმა უკრაინის ტერიტორიაზე ჯარები 24 თებერვალს შეიყვანა პრეზიდენტ პუტინის ბრძანებით, რომლის თქმითაც ეს „უკრაინის დემილიტარიზაციისა და დენაციფიკაციის სპეცოპერაციაა“, ხოლო უკრაინის ტერიტორიების დაკავება არ შედის რუსეთის გეგმებში. ამის საპასუხოდ დასავლეთის ქვეყნებმა რუსეთის წინააღმდეგ ეკონომიკური სანქციების გამკაცრება დაიწყეს, რაც დღემდე გრძელდება.
ყველა ახალი ამბავი
0