მიმოხილვა: სევერსკი - მოკავშირეთა ძალების მთავარი შეტევის მიმართულება

© photo: Sputnik / Konstantin Mikhalchevskiy / ფოტობანკში გადასვლა
  - Sputnik საქართველო, 1920, 07.07.2022
გამოწერა
Yandex newsTelegram
დონბასის ტერიტორიის გათავისუფლება მთავრდება. რუსული სამხედრო ჯგუფი, ლუგანსკისა და დონეცკის სახალხო მილიციის ქვედანაყოფებთან ერთად, შეტევას ავითარებს უკრაინის შეიარაღებული ძალების სლავიანსკო-კრამატორსკის გამაგრებული ტერიტორიის მიმართულებით. მტერი ლისიჩანსკიდან განდევნილია. მოკავშირე ძალების ამოცანაა, უახლოეს დღეებში არ დაუშვან უკრაინული შეიარაღებული ფორმირებების გამაგრება სლავიანსკიდან 30 კილომეტრში მდებარე სევერსკში.
სევეროდონეცკ-ლისიჩანსკის აგლომერაციის გათავისუფლების შემდეგ ლუგანსკის დანაყოფები გადაყვანილია დონეცკის ფრონტზე სევერსკზე შეტევისთვის, რომელიც უკრაინის შეიარაღებული ძალების მიერ გამაგრებულ სლავიანსკ-კრამატორსკის ტერიტორიას იცავს.
5 ივლისს მოკავშირეთა ჯარები სევერსკის გარეუბანში გავიდნენ, სადაც მტერი ახალი თავდაცვითი ხაზის შექმნას ცდილობს გზისა და სარკინიგზო მარშრუტების გასწვრივ. რუსული შორეული არტილერია უკრაინის შეიარაღებული ძალების ობიექტებს ურტყამს სლავიანსკსა და კრამატორსკში. ავდიივკას უკრაინული გარნიზონი განწირულია ალყაში მოქცეული სევეროდონეცკისა და ლისიჩანსკის ბედის გასამეორებლად.
ბოლო 24 საათის განმავლობაში დონეცკის ტერიტორიაზე ზეზუსტი რაკეტებით განადგურებულია ორი ამერიკული HIMARS-ი და საბრძოლო მასალების ორი საწყობი, 57-ე მექანიზებული ბრიგადის სარაკეტო და საარტილერიო იარაღის მნიშვნელოვანი არსენალი — სხვადასხვა კალიბრის 1500-ზე მეტი ჭურვი და 100 უცხოური წარმოების ტანკსაწინააღმდეგო სარაკეტო სისტემა.
რუსეთის საჰაერო-კოსმოსურმა ძალებმა ასევე მოახდინეს ექვსი სამეთაურო პუნქტის „დემილიტარიზაცია“. გარდა ამისა, ბრძოლის დროს განადგურდა უკრაინული ოცეული „ურაგანი“.
უკრაინის შეიარაღებული ძალების გენერალურმა შტაბმა ნაწილების სევერსკიდან სლავიანსკში გაყვანის წინადადება წამოაყენა, რათა ძალები და საშუალებები დაზოგონ უკრაინის თავდაცვისთვის ფრონტის ხაზზე პოლტავა-დნეპროპეტროვსკი-ზაპოროჟიე. კიევის რეჟიმის მიერ კონტროლირებადი სლავიანსკის ადმინისტრაციის ხელმძღვანელმა ვიქტორ ლიახმა 5 ივლისს უკრაინის ტელევიზიით განაცხადა, რომ გენერალურ შტაბში სლავიანსკისა და კრამატორსკის მალე „დაცემას“ პროგნოზირებენ. პრეზიდენტ ვოლოდიმირ ზელენსკის ოფისი კი უფრო მეტად საგარეო პოლიტიკური იმიჯითა და შიდა პოლიტიკური ინტრიგებითაა შეშფოთებული.

უკრაინის შეიარაღებული ძალების პერსპექტივები

რუსული ჯარები ჩრდილოეთიდან სოფელ დოლინის მიმართულებით მიიწევენ — სლავიანსკიდან 15 კმ-ში, აღმოსავლეთიდან — სევერსკის გარეუბანში აწარმოებენ ბრძოლას, ხოლო სამხრეთიდან სოლედარს უტევენ — არტემოვსკიდან 6 კმ-ში. სლავიანსკო-კრამატორსკის გამაგრებული ტერიტორიის ოპერატიული დაფარვა ხდება სამი მხრიდან — მტრის დაჯგუფების ზურგში გასვლით. ალბათ რუკაზე მალე დავინახავთ უკვე ტრადიციულ „პინკერებსა“ და „კოლას“, რაც საშუალებას მოგვცემს, მთლიანად მოვჭრათ და გავანადგუროთ უკრაინული ჯარები დონბასში, მივაღწიოთ ახალ საზღვრებს და მოწინააღმდეგე დასავლეთისკენ გავწიოთ.
სლავიანსკის დასავლეთით უკრაინის უზარმაზარი სტეპები იწყება. რეგიონულ ცენტრებს შორის მნიშვნელოვანი დისტანცია არ მისცემს საშუალებას უკრაინის შეიარაღებულ ძალებს, გამაგრდნენ და თავდაცვის მყარი ხაზი შექმნან. „აღმოსავლეთის ფრონტი“ დნეპროპეტროვსკის, ზაპოროჟიეს, ნიკოლაევისკენ გადაიწევს. და ხარკოვი შესაძლოა პრიორიტეტულად გაათავისუფლონ.
6 ივლისს ხარკოვის ოლქის დროებითი სამოქალაქო ადმინისტრაციის ხელმძღვანელმა განაცხადა, რომ რეგიონის გათავისუფლებული ტერიტორიების მოსახლეობას რუსეთის შემადგენლობაში დაბრუნება სურს. რუსეთის სპეცოპერაციის სტრატეგიული მასშტაბი დასტურდება ყოველდღიური სარაკეტო თავდასხმებით უკრაინის შეიარაღებული ძალების ობიექტებზე ოდესაში, ხმელნიცკისა და დასავლეთ უკრაინის სხვა რეგიონებში.
მეორე მხრივ, კიევის ტაქტიკა „აღმოსავლეთის ფრონტზე“ მოგვაგონებს სერიალს „95 კვარტალი“, რომლის მიზანია გარეგანი ეფექტის მიღწევა, პრესაში რეზონანსული პუბლიკაციები და დასავლური დაფინანსების გაგრძელება. უკრაინის შეიარაღებული ძალების გენერალური შტაბი ცდილობს შეანელოს რუსული ჯარების წინსვლა მობილიზაციის დაუფიქრებელი ტალღებით, მშვიდობიანი მოსახლეობის ცოცხალ ფარად გამოყენებით, დონბასის ქალაქებისა და სოფლების რეგულარული დაბომბვით.
უკრაინის შეიარაღებული ძალების მარცხების სერია და ცოცხალი ძალისა და სამხედრო აღჭურვილობის კატასტროფული დანაკარგები ამცირებს კოლექტიური დასავლეთის სიმტკიცეს, დაეხმაროს კიევის რეჟიმს რუსეთის წინააღმდეგ ბრძოლაში იარაღითა და ფინანსებით.
დიდმა ბრიტანეთმა ნატოს ქვეყნების ტერიტორიაზე უკრაინელი ჯარისკაცებისთვის სპეციალური სამკვირიანი სასწავლო პროგრამა დაიწყო და უკრაინის შეიარაღებულ ძალებს ყოველ ოთხ თვეში 10.000 „ხიშტის“ მიწოდებას ჰპირდება. ბრიტანეთის პრემიერ-მინისტრ ბორის ჯონსონის განცხადებით, ეს ფრონტზე ვითარებას „რადიკალურად“ შეცვლის.
მაგრამ ტექნოლოგიურად შეუძლებელია, რომ სამოქალაქო პირი ოც დღეში მაგარ სამხედრო სპეციალისტად აქციო. შემთხვევითი არ არის The Telegraph-ის განცხადება, რომ დასავლელი პარტნიორები უკრაინის შეიარაღებულ ძალებისგან საომარ მოქმედებებში გარდატეხას შემოდგომამდე მოელიან. თუ რუსული დინამიკა უცვლელი დარჩება, აშშ და ნატო იძულებული იქნებიან დაამთავრონ ოპერაცია.
დასავლეთისთვის ძნელია გააცნობიეროს მრავალპოლარული სამყაროს რეალობიდან ამოვარდნა, მაგრამ ავღანეთის შემდეგ მომდევნო სამხედრო მარცხი (დამცირება) მაინც ჯობს ნატოს ქვეყნების უკომპრომისო განადგურებას ბირთვული ცეცხლით.
უკრაინის შეიარაღებული ძალების სამხედრო მოსამსახურეები კიევის რეჟიმის დემილიტარიზაციის პროცესს აქტიურად უერთდებიან. ბულგარეთის სამხედრო გამოცემა იტყობინება, რომ უკრაინელი სამხედრო მოსამსახურეების საინიციატივო ჯგუფმა ორი ფრანგული თვითმავალი საარტილერიო დანადგარი CAESAR მიჰყიდა რუსულ მხარეს 240 ათას დოლარად.
იარაღის „შავი ბაზარი“ გაცილებით ადრე ჩამოყალიბდა. უკრაინაში ტანკსაწინააღმდეგო სისტემა FGM-148 Javelin შეგიძლიათ სულ რაღაც 30 ათას დოლარად შეიძინოთ. გამშვები კონტეინერი რაკეტით აშშ-ის არმიისთვის 175.000 დოლარი ღირს, მართვის ბლოკი — 295.000 დოლარი, ხოლო მთლიანი კომპლექსი 2020 წლის ფასებით — დაახლოებით 470.000 დოლარია.
დასავლური იარაღი ხშირად „იკარგება“ უკრაინაში და აქტიურად იყიდება აზიისა და აფრიკის ქვეყნებში. ამგვარად, რუსეთის დასუსტების სურვილი ავად უბრუნდებათ უკრაინული პროექტის ორგანიზატორებსა და სპონსორებს.
რედაქცია შესაძლოა კატეგორიულად არ ეთანხმებოდეს ავტორის მოსაზრებებს და პასუხს არ აგებს მათზე
ყველა ახალი ამბავი
0