რუსეთის საგარეო უწყება: ეს არის ნაბიჯი ესკალაციისკენ

© photo: Sputnik / Maxim Blinov
  - Sputnik საქართველო, 1920, 06.07.2022
გამოწერა
Yandex newsTelegram
თბილისი, 6 ივლისი − Sputnik. ფინეთისა და შვედეთის ნატოში გაწევრიანებამ შესაძლოა გააუარესოს ვითარება ბალტიის რეგიონსა და არქტიკაში, განაცხადა რუსეთის საგარეო საქმეთა სამინისტროს ინფორმაციისა და პრესის დეპარტამენტის დირექტორმა ალექსეი ზაიცევმა.
მისი თქმით, ალიანსში გაწევრიანების ოქმზე ხელმოწერა არის „ნაბიჯი ესკალაციისკენ“.

„ფინეთისა და შვედეთის მიერ ნატოში გაწევრიანების ოქმის ხელმოწერა კიდევ ერთი ნაბიჯია ევროპაში პოლიტიკური და სამხედრო დაძაბულობის ესკალაციისკენ. ჰელსინკიმ და სტოკჰოლმმა უნდა გააცნობიერონ, რომ ჩრდილოატლანტიკურ ბლოკში გაწევრიანება გააუარესებს ვითარებას ბალტიისპირეთსა და არქტიკაში“, − აღნიშნა ზაიცევმა.

ფინეთმა და შვედეთმა უკრაინაში რუსეთის „სამხედრო ოპერაციის“ დაწყებისთანავე შეიტანეს ნატოში გაწევრიანებაზე განაცხადი. ალიანსში ინტეგრაციის ოქმს 5 ივლისს მოეწერა ხელი და ამ ქვეყნების წევრობის რატიფიცირების მექანიზმი ამოქმედა.
რუსეთის პრეზიდენტი ვლადიმირ პუტინი ირწმუნება, რომ რუსეთი სარკისებურ პასუხს გასცემს, თუ ფინეთსა და შვედეთში ნატოს სამხედრო ინფრასტრუქტურა განლაგდება. როგორც ალიანსში აცხადებენ, გარანტიას, რომ მათ ტერიტორიაზე ბირთვული იარაღი არ განთავსდება, ვერ გასცემენ. რუსეთთან მოსაზღვრე ფინური ლაპენრანტას ხელისუფლებამ უკვე გამოთქვა მზადყოფნა, განათავსოს ნატოს ბაზა.
ყველა ახალი ამბავი
0