სამხედრო ძალების 23-ე ბატალიონმა მომზადების ოთხკვირიანი პროგრამა დაასრულა

© AFP 2022 / VANO SHLAMOVსამხედროები
სამხედროები - Sputnik საქართველო, 1920, 06.07.2022
გამოწერა
Yandex newsTelegram
სამხედრო წვრთნები მიზნად ისახავდა ქვედანაყოფის მზადყოფნისა და საბრძოლო მომზადების დონის ამაღლებას.
თბილისი, 6 ივლისი − Sputnik. საქართველოს თავდაცვის ძალების დასავლეთ სარდლობის მე-2 ქვეითი ბრიგადის 23-ე ქვეითმა ბატალიონმა საქართველოს თავდაცვის მზადყოფნის ოთხკვირიანი პროგრამა (GDRP-T) დაასრულა, ნათქვამია თავდაცვის სამინისტროს განცხადებაში.
უწყების ცნობით, პროგრამა სამი ეტაპისგან შედგებოდა და სამეთაურო-საშტაბო სწავლებას (CPX), საველე სწავლებასა (FTX) და საბრძოლო სროლებს მოიცავდა (LFX).
საჩვენებელ სწავლებაზე 23-ე ქვეითმა ბატალიონმა მოწინააღმდეგის მობრუნების აღკვეთისა და ობიექტზე რეიდის ჩატარების ოპერაციები განახორციელა.
საჩვენებელ სწავლებას დასავლეთის სარდალი, ბრიგადის გენერალი კობა გრიგოლია და წვრთნებისა და სამხედრო განათლების სარდალი, პოლკოვნიკი ზურაბ ხვიჩია ესწრებოდნენ.
საქართველოს თავდაცვის მზადყოფნის პროგრამა (GDRP) საქართველოს თავდაცვის სამინისტროსა და აშშ-ის თავდაცვის დეპარტამენტის ერთობლივ პროექტს წარმოადგენს. პროგრამის მიზანი საქართველოს შეიარაღებული ძალების საბრძოლო მზადყოფნის ამაღლებაა.
2018 წლის მაისში ვაზიანის სამხედრო ბაზაზე გაიხსნა გერმანული ჰოჰენფელსის ბაზის ანალოგიური საბრძოლო მომზადების ცენტრი (CTC), რომელიც GDRP-ს ფარგლებში ქართველი სამხედროების გადამზადებისთვის არის განკუთვნილი.
ყველა ახალი ამბავი
0