ფშაველი-აბანო-ომალოს გზაზე შეზღუდვები დაწესდა

© Roads Department of Georgiaთუშეთის გზა
თუშეთის გზა - Sputnik საქართველო, 1920, 05.07.2022
გამოწერა
Yandex newsTelegram
აღნიშნული გზა ერთადერთია, რომელიც თელავსა და მაღალმთიან სოფელ ომალოს აკავშირებს.
თბილისი, 5 ივლისი – Sputnik. შიდასახელმწიფოებრივი მნიშვნელობის ფშაველი–აბანო–ომალოს გზის ცალკეულ მონაკვეთებზე გადაადგილების სპეციალური რეჟიმები დაწესდა. ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს.
უწყების ინფორმაციით, აღნიშნული საავტომობილო გზის 61-ე კილომეტრზე მეწყერი ჩამოწვა, რის გამოც აბანო–ომალოს (30-72 კმ) მონაკვეთზე აკრძალულია ყველა სახის ავტოტრანსპორტის მოძრაობა.
ამავე საავტომობილო გზის 12-30 კმ მონაკვეთზე (ლეჩური–აბანო) დასაშვებია მხოლოდ მაღალი გამავლობის ავტოტრანსპორტის გადაადგილება, ხოლო დანარჩენი სახის ავტოტრანსპორტის მოძრაობა აკრძალულია.
საავტომობილო გზის 1–11 კმ მონაკვეთზე (ფშაველი–ლეჩური) ავტოტრანსპორტის გადაადგილება თავისუფალია.
ფშაველი–აბანო–ომალოს საავტომობილო გზა რთული რელიეფისა და კლიმატის გამო, როგორც წესი, ოქტომბრის შუა რიცხვებში იკეტება და მხოლოდ მაისის შუა რიცხვებში იხსნება. ეს გზა ერთადერთია, რომელიც თელავსა და მაღალმთიან სოფელ ომალოს აკავშირებს. მისი სიგრძე 72 კილომეტრია.
ყველა ახალი ამბავი
0