საქართველოს წმინდა საინვესტიციო პოზიციას უარყოფითი მნიშვნელობა აქვს

© photo: Sputnikიუსტიციის სახლის და ეროვნული ბანკის შენობა
იუსტიციის სახლის და ეროვნული ბანკის შენობა - Sputnik საქართველო, 1920, 04.07.2022
გამოწერა
Yandex newsTelegram
ბოლო ოთხი კვარტლის მონაცემებით, საქართველოს წმინდა საინვესტიციო პოზიციის დეფიციტი წლიური მშპ-ის 132,4%-ს შეადგენს.
თბილისი, 4 ივლისი — Sputnik. საქართველოს წმინდა საერთაშორისო საინვესტიციო პოზიციას, 2021 წლის 31 მარტის მდგომარეობით, უარყოფითი მნიშვნელობა აქვს და 26,4 მლრდ აშშ დოლარს შეადგენს, ნათქვამია საქართველოს ეროვნული ბანკის ინფორმაციაში.
წმინდა საერთაშორისო საინვესტიციო პოზიცია – ეს არის სხვაობა უცხოეთში ქვეყნის რეზიდენტების კუთვნილი აქტივების ღირებულებასა და მოცემულ ქვეყანაში უცხოელი ინვესტორების საკუთრებაში არსებულ აქტივებს შორის. საერთაშორისო საინვესტიციო პოზიცია, ისევე, როგორც საგადასახადო ბალანსი, იძლევა ინფორმაციას დანარჩენ მსოფლიოსთან ქვეყნის ეკონომიკური ურთიერთობების შეფასებისთვის.
მიმდინარე წლის პირველ კვარტალში მაჩვენებელი 63 მლნ დოლარით გაუმჯობესდა. თუმცა ბოლო ოთხ კვარტალში საქართველოს წმინდა საინვესტიციო პოზიციის დეფიციტი წლიური მშპ-ის 132,4%-ს შეადგენს.
საერთო საერთაშორისო აქტივები შეადგენს 11,8 მლრდ დოლარს, რაც 2021 წლის მეოთხე კვარტლის ბოლოს არსებულ მაჩვენებელზე 161,7 მლნ დოლარით მეტია.
მთლიანმა საერთაშორისო ვალდებულებებმა 38,1 მლრდ დოლარი შეადგინა. ვალდებულებები, 2021 წლის მეოთხე კვარტალთან შედარებით, 98,7 მლნ დოლარით გაიზარდა.
ყველა ახალი ამბავი
0