„მისი გარდაცვალების შემდეგ თითქოს მარტო ვარ“ - მირანდა ბაღათურიამ საქართველო დატოვა
„ძალიან მძიმე წელი იყო ჩემთვის როგორც მენტალურად, ისე ფიზიკურად, ადამიანურად. სწორედ ამ მძიმე წლის დამსახურებაა, რომ ტაიმ-აუტი ავიღე ამ პროფესიაში და წავედი საქართველოდან, მაგრამ არა იმიტომ, რომ გავექეცი მოვლენებს, არამედ იმიტომ, რომ 5 ივლისმა ეს შედეგი დააყენა ჩვენთვის, ჟურნალისტებისთვის, რომლებიც ჩვენს პროფესიულ მოვალეობას ვასრულებდით“, – ისაუბრა მირანდამ ,,პირველი ხაზის” ეთერში.
„ბევრი წინააღმდეგობა და შრომა დამჭირდა, რომ აქამდე მოვსულიყავი. 6 წლის განმავლობაში მოვლენების ეპიცენტრში ვარ – აქციები, სპეცოპერაციები, კრიმინალური გარჩევები. თითქმის ყველაფრის გაშუქება მომიწია. ყარაბაღშიც ვარ ნამყოფი. არა მარტო პროფესიაში, რეალურ ცხოვრებაშიც არასდროს არაფრის შემშინებია, ჟურნალისტიკაში კი ეს შიში საბოლოოდ გამიქრა“, – ამბობს მირანდა.
„ჩვენ ერთი ემოცია და ტრავმა გადავიტანეთ. ყველაზე ახლო ადამიანები გავხდით. მისი გარდაცვალების შემდეგ თითქოს მარტო ვარ იმ განცდებთან და ტკივილთან, რაც 5 ივლისს უკავშირდება. ტრაგედია, რომელიც ჩემს ცხოვრებაში დატრიალდა, მთრგუნავდა, მაგრამ ახლა მაძლიერებს, ახლა ლექსო მაძლიერებს და მახსენებს, რომ უნდა ვიბრძოლო მისთვის და მომავალი ჟურნალისტებისთვის“, – ამბობს მირანდა.