სტიქია დუშეთში: ჟინვალი-ბარისახო-შატილის გზაზე ისევ მეწყერი ჩამოწვა

© photo: Sputnik / Stringerსარემონტო სამუშაოები
სარემონტო სამუშაოები - Sputnik საქართველო, 1920, 01.07.2022
გამოწერა
Yandex newsTelegram
საქართველოს რეგიონებში ბოლო დღეებში სტიქია მძვინვარებს. გადაუღებელმა წვიმებმა, ქარმა და სეტყვამ სერიოზული ზიანი მიაყენა მოსახლეობას.
თბილისი, 1 ივლისი – Sputnik. შიდასახელმწიფოებრივი მნიშვნელობის ჟინვალი–ბარისახო–შატილის საავტომობილო გზაზე ყველა სახის ავტოტრანსპორტის მოძრაობა დროებით ისევ აიკრძალა. ინფორმაციას საავტომობილო გზების დეპარტამენტი ავრცელებს.
უწყების ცნობით, საავტომობილო გზის 77-ე და 90-ე კმ მონაკვეთებზე განვითარდა მეწყრული პროცესები, რის გამოც 77-106 კმ მონაკვეთზე ამ დრომდე აკრძალულია ყველა სახის ავტოტრანსპორტის გადაადგილება. გზის აღნიშნულ მონაკვეთებზე მეწყრის სალიკვიდაციო ღონისძიებები მიმდინარეობს.
შექმნილი სიტუაციიდან გამომდინარე, საავტომობილო გზის 20-77 კმ მონაკვეთზე დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტის გადაადგილება. რაც შეეხება 1-20 კმ მონაკვეთს, აქ ყველა სახის ავტოტრანსპორტის მოძრაობა თავისუფალია.
საქართველოს რეგიონებში ბოლო დღეებში სტიქია მძვინვარებს. გადაუღებელმა წვიმებმა, ქარმა და სეტყვამ სერიოზული ზიანი მიაყენა მოსახლეობას. დაიტბორა სახლები, ხეხილის ბაღები, საკარმიდამო ნაკვეთები, დაზიანდა ინფრასტრუქტურა.
ყველა ახალი ამბავი
0