სტოლტენბერგმა ფინეთი-შვედეთის ნატოში გაწევრიანების პროტოკოლზე ხელმოწერის თარიღი დაასახელა

© photo: Sputnik / Aleksey Vitvitskiy / ფოტობანკში გადასვლა
  - Sputnik საქართველო, 1920, 30.06.2022
გამოწერა
Yandex newsTelegram
თბილისი, 30 ივნისი − Sputnik. შვედეთისა და ფინეთის ნატოში გაწევრიანების შესახებ პროტოკოლს ხელი სამშაბათს, 5 ივლისს მოეწერება, განაცხადა ალიანსის გენერალურმა მდივანმა იენს სტოლტენბერგმა.

„გუშინ სამიტზე მივიღეთ მთავარი პოლიტიკური გადაწყვეტილება შვედეთისა და ფინეთის მოწვევის შესახებ. გაწევრიანების ოქმზე ოფიციალური ხელმოწერა სამშაბათს გაიმართება ფინეთისა და შვედეთის საგარეო საქმეთა მინისტრების თანდასწრებით“, − განაცხადა ნატოს გენერალურმა მდივანმა.

გაწევრიანების ოქმზე ხელმოწერა ნატოში ახალი წევრების მიღების პროცესის ერთ-ერთი ეტაპია. იგი გულისხმობს პროტოკოლს ჩრდილოატლანტიკურ ალიანსში „ახალბედების“ მიერთების შესახებ და, ფაქტობრივად, არის ხელშეკრულების დამატება. პროტოკოლი, ხელმოწერისა და რატიფიცირების შემდეგ, ხდება ხელშეკრულების განუყოფელი ნაწილი და მიწვეულ ქვეყანას უფლებას აძლევს, გახდეს ალიანსის წევრი.
ყველა ახალი ამბავი
0