მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ამერიკული სანქციები თინა კანდელაკსა და მის მეუღლესაც შეეხო

© photo: Sputnik / Ekaterina Chesnokova / ფოტობანკში გადასვლავასილი ბროვკო და თინა კანდელაკი
ვასილი ბროვკო და თინა კანდელაკი - Sputnik საქართველო, 1920, 29.06.2022
გამოწერა
Yandex newsTelegram
თბილისი, 29 ივნისი — Sputnik. ამერიკის შეერთებულმა შტატებმა გააფართოვა სანქციების სია რუსეთის წინააღმდეგ, რომელშიც ამჯერად 45 კომპანია და 29 ფიზიკური პირი მოხვდა, ნათქვამია აშშ-ის ფინანსთა სამინისტროს საიტზე.
სანქცირებულ პირებს შორის არიან ტელეწამყვანი თინა კანდელაკი — მეუღლესთან, ვასილი ბროვკოსთან ერთად, რომელიც „როსტექის“ სპეციალური დავალებების დირექტორია; ასევე თავდაცვის ყოფილი მინისტრი ანატოლი სერდიუკოვი და მისი მეუღლე ევგენია ვასილიევა; რუსეთის მიერ მელიტოპოლის მერად დანიშნული გალინა დანილჩენკო და ა.შ.
სანქციების ახალ ჩამონათვალში ასევე შევიდნენ კომპანიები: „კამაზი“, „ტუპოლევი“ გაერთიანებული ავიამშენებელი კორპორაცია, „როსტექი“, ილიუშინის სახელობის საავიაციო კომპლექსი და სხვ.
აშშ-ის ფინანსთა სამინისტროს განცხადებით, სანქციების სიაში საერთო ჯამში ასზე მეტი ახალი იურიდიული პირი შევიდა.
გარდა ამისა, შეერთებულმა შტატებმა აკრძალა რუსეთიდან ოქროს იმპორტიც.
თავის მხრივ, რუსეთის ხელისუფლებამ სანქციების სიაში აშშ-ის 25 მოქალაქე შეიყვანა, რომელთა შორის არიან პრეზიდენტ ბაიდენის მეუღლე და ქალიშვილი, სტენფორდის უნივერსიტეტის პროფესორები ფრენსის ფუკუიამა და ლარი დაიმონდი. სანქცირებულ პირებს რუსეთში შესვლა ეკრძალებათ.
წყარო: US Department of The Treasure
ყველა ახალი ამბავი
0