მოხუცებს ნარკოტიკით აბრუებდა და ძარცვავდა: საბერძნეთში ქართველი ქალი დააკავეს

© photo: Sputnikდაკავება
დაკავება - Sputnik საქართველო, 1920, 29.06.2022
გამოწერა
Yandex newsTelegram
ამ დროისათვის დაკავებული ათენის პროკურატურაშია გადაყვანილი.
თბილისი, 29 ივნისი — Sputnik. საბერძნეთში, ატიკის მხარეში ძარცვისთვის 47 წლის ქართველი ქალი დააკავეს. ინფორმაციას ბერძნულ მედიაზე დაყრდნობით ტელეკომპანია „რუსთავი 2" ავრცელებს.
ბერძნული გამოძიების ცნობით, ბრალდებული ეძებდა მომვლელის ვაკანსიებს, ნდობაში შედიოდა ოჯახებთან, დასაქმების შემდეგ კი მოხუცებს ნარკოტიკული საშუალებებით აბრუებდა და ძარცვავდა.
ამ დროისათვის ბერძენი სამართალდამცველების მიერ მსგავსი მეთოდით ძარცვის ოთხი შემთხვევაა გამოვლენილი.
გავრცელებული ინფორმაციით, ქალი მოხუცებს ნარკოტიკულ ან ფსიქოტროპულ საშუალებებს საკვებში და სასმელში უყრიდა. მოხუცები წინააღმდეგობის გაწევას ვეღარ ახერხებდნენ, ქალს კი სახლიდან ფული და ძვირფასეულობა გაჰქონდა.
დაკავებულის პირადი და საცხოვრებელი სახლის ჩხრეკისას ამოღებულია ფული, სამკაულები, ფსიქოტროპული აბები, ორი დანა, საბანკო ბარათები და მობილური ტელეფონები.
ამ დროისათვის დაკავებული ათენის პროკურატურაშია გადაყვანილი.
ყველა ახალი ამბავი
0