მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ბორის ჯონსონი: „პუტინი რომ ქალი ყოფილიყო...“

© photo: Sputnik / justin griffiths-williams / გადასვლა მედიაბანკშიბორის ჯონსონი
ბორის ჯონსონი - Sputnik საქართველო, 1920, 29.06.2022
გამოწერა
თბილისი, 29 ივნისი — Sputnik. რუსეთის პრეზიდენტი ვლადიმირ პუტინი ქალად რომ დაბადებულიყო, რუსეთი უკრაინაში სამხედრო ოპერაციას არ ჩაატარებდა, განაცხადა დიდი ბრიტანეთის პრემიერ-მინისტრმა ბორის ჯონსონმა გერმანულ ტელეარხ ZDF-თან ინტერვიუში.

„პუტინი ქალი რომ ყოფილიყო — რაც აშკარად არ არის, მაგრამ რომ ყოფილიყო, ნამდვილად არ მგონია, რომ ეს გიჟური მაჩო-ომი წამოეწყო შეჭრითა და ძალადობით, როგორც ახლა გააკეთა, — თქვა ჯონსონმა.

მისი აზრით, პუტინის ქმედებები „ტოქსიკური მამაკაცურობის იდეალური მაგალითია“.
ეს პირველი შემთხვევა არ არის, როდესაც ბრიტანეთის პრემიერი რუსეთის პრეზიდენტის მიმართ მკაცრ გამოთქმებს იყენებს. მაისის ბოლოს ბორის ჯონსონმა ვლადიმირ პუტინს ნიანგი უწოდა, როდესაც რუსეთის ლიდერთან მოლაპარაკების შესაძლებლობაზე აკეთებდა კომენტარს. პრემიერ-მინისტრმა მაშინ განაცხადა, რომ პუტინის ნდობა არ შეიძლება და აღნიშნა, რომ მის ქვეყანას რუსეთის პრეზიდენტთან საქმე არ ექნება.
ბრიტანეთის პრემიერ-მინისტრის განცხადებას უკვე გამოეხმაურა კრემლის პრეს-მდივანი დმიტრი პესკოვი. მან ბორის ჯონსონს ზიგმუნდ ფროიდის კვლევის ობიექტი უწოდა. როგორც მან განაცხადა, „ფროიდი იოცნებებდა კვლევისთვის ასეთ ობიექტზე“.
წყარო: ZDF
ყველა ახალი ამბავი
0