თბილისის მერიამ პუშკინის სკვერის რეაბილიტაცია დაიწყო

© photo: Sputnikპუშკინის სკვერი
პუშკინის სკვერი - Sputnik საქართველო, 1920, 28.06.2022
გამოწერა
Yandex newsTelegram
სკვერის რეაბილიტაციისთვის დედაქალაქის ბიუჯეტიდან 800.000 ლარია გამოყოფილი. მისი დასრულება მიმდინარე წლის ოქტომბრის ბოლოს იგეგმება.
თბილისი, 28 ივნისი – Sputnik. დედაქალაქის მერიამ თავისუფლების მოედანზე მდებარე პუშკინის სკვერის რეაბილიტაცია დაიწყო.
სამუშაოებს დედაქალაქის მერი კახა კალაძე მერის მოადგილესთან ანდრია ბასილაიასთან ერთად გაეცნო.
კალაძის განცხადებით, რეაბილიტაციის ფარგლებში ტერიტორიაზე მოეწყობა გამწვანებული სივრცეები და შეიცვლება არსებული გამწვანებული თარგების გეგმარება, ასევე მოეწყობა სარწყავი სისტემა და დაიგება ბალახის საფარი. განახლდება საფეხმავლო ბილიკები, განთავსდება პარკისთვის აუცილებელი სხვადასხვა ინვენტარი, მოეწყობა გარე განათების სისტემა და დამატებით დამონტაჟდება ვიდეომეთვალყურეობის სისტემა.

„არსებული სივრცე ძალიან ცუდ მდგომარეობაში იყო, რადგანაც პუშკინის სკვერი ერთ-ერთი ცენტრალური სივრცეა თავისუფლების მოედანზე, ესეც იქნება ყველანაირად განახლებული და მოწესრიგებული“, – განაცხადა კახა კალაძემ.

მისი თქმით, დედაქალაქის მერიას მომავალ წელს რუსთაველის გამზირის სრული რეაბილიტაცია-განახლება აქვს დაგეგმილი.
პუშკინის სკვერის რეაბილიტაციისთვის დედაქალაქის ბიუჯეტიდან 800 ათასი ლარია გამოყოფილი. მისი დასრულება მიმდინარე წლის ოქტომბრის ბოლოსთვის იგეგმება.
ყველა ახალი ამბავი
0