მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ჯონსონმა რუს მეცნიერებს ბრიტანეთში გადასვლა შესთავაზა

© AP Photo / Alberto Pezzaliბორის ჯონსონი
ბორის ჯონსონი - Sputnik საქართველო, 1920, 28.06.2022
გამოწერა
Yandex newsTelegram
თბილისი, 28 ივნისი − Sputnik. ბრიტანეთის პრემიერ-მინისტრმა ბორის ჯონსონმა G7-ის სამიტზე გამოსვლისას პუტინის პოლიტიკითა და ქვეყანაში შექმნილი სიტუაციით უკმაყოფილო რუსი მეცნიერები დიდ ბრიტანეთში მიიწვია, იუწყება ბრიტანული გაზეთი Guardian.
ჯონსონის თქმით, ეს შეთავაზება რუსი მეცნიერებისთვის არის უკრაინის უნივერსიტეტებთან პარტნიორობის არსებული სისტემის გაფართოება, რაც უკრაინელ მეცნიერებს დიდ ბრიტანეთში კვლევების ჩატარების საშუალებას აძლევს.

„მივმართავ რუს აკადემიკოსებსა და მკვლევარებს, რომლებიც შეშფოთებული ადევნებენ თვალს პუტინის ძალადობას და რომლებიც რუსეთში თავს დაცულად აღარ გრძნობენ: თქვენ შეგიძლიათ თამამად შეიტანოთ განაცხადი დიდ ბრიტანეთში გადასასვლელად და იმუშაოთ ქვეყანაში, რომელიც აფასებს ღიაობას, თავისუფლებასა და ცოდნისადმი სწრაფვას“, − განაცხადა ჯონსონმა.

Guardian-ის ცნობით, პროგრამის „მკვლევარები რისკის ზონაში“ ფარგლებში, რომლის ბიუჯეტი ახლა თითქმის 10 მილიონი გირვანქა სტერლინგით გაიზარდა, ბრიტანეთში დაახლოებით 130 უკრაინელი მეცნიერი ჩავა. სწორედ ასეთსავე დახმარებას სთავაზობს ლონდონი რუს მეცნიერებსაც.
ბრიტანეთმა რუსეთს სანქციების რამდენიმე პაკეტი დაუწესა უკრაინაში „სამხედრო ოპერაციის“ საპასუხოდ, რომელიც 24 თებერვლიდან მიმდინარეობს პრეზიდენტ ვლადიმირ პუტინის ბრძანებით.
წყარო: Guardian
ყველა ახალი ამბავი
0