საქართველოში სერჟანტთა კორპუსის დღეს აღნიშნავენ
© Ministry of Defence of Georgia
გამოწერა
დიდგორის მემორიალთან ასევე გიორგი ანწუხელიძის სახელობის სერჟანტთა აკადემიის სერჟანტთა ათეულის მეთაურისა და ჯგუფის უფროსის კურსების გამოშვების ცერემონია გაიმართა.
თბილისი, 25 ივნისი – Sputnik. საქართველოს თავდაცვის ძალები სერჟანტთა კორპუსის დღეს აღნიშნავს - საზეიმო ღონისძიება დიდგორის მემორიალთან გაიმართა.
საქართველოს თავდაცვის ძალებმა სერჟანტთა კორპუსის დღე აღნიშნეს
© Courtesy of Ministry of Defence of Georgia
საქართველოს თავდაცვის ძალების მეთაურმა, გენერალ-მაიორმა გიორგი მათიაშვილმა და თავდაცვის ძალების მთავარმა სერჟანტმა, მთავარმა სერჟანტმა გიორგი გოგოჭურმა სიტყვით გამოსვლისას თავდაცვის ძალებში სერჟანტის როლის მნიშვნელობაზე გაამახვილეს ყურადღება და სერჟანტთა კორპუსის განვითარების მიმართულებით დაგეგმილ სამომავლო პერსპექტივებზე ისაუბრეს.
საქართველოს თავდაცვის ძალებმა სერჟანტთა კორპუსის დღე აღნიშნეს
© Courtesy of Ministry of Defence of Georgia
მათ სერჟანტებს თავდაცვის ძალების მშენებლობაში შეტანილი წვლილისთვის, პროფესიონალიზმისთვის და თავდადებისთვის მადლობა გადაუხადეს და წარმატებები უსურვეს. ღონისძიებას თავდაცვის მინისტრის მოადგილე გრიგოლ გიორგაძე და უწყების წარმომადგენლები დაესწრნენ.
საქართველოს თავდაცვის ძალებმა სერჟანტთა კორპუსის დღე აღნიშნეს
© Courtesy of Ministry of Defence of Georgia
დღესვე დიდგორის მემორიალთან გიორგი ანწუხელიძის სახელობის სერჟანტთა აკადემიის სერჟანტთა ათეულის მეთაურისა და ჯგუფის უფროსის კურსების გამოშვების ცერემონია გაიმართა.
საქართველოს თავდაცვის ძალებმა სერჟანტთა კორპუსის დღე აღნიშნეს
© Courtesy of Ministry of Defence of Georgia
პროფესიულ დღესთან დაკავშირებით, წარმატებული სერჟანტები სამსახურებრივი მოვალეობის შესრულებისას გამოვლენილი მაღალი პროფესიონალიზმისთვის დაჯილდოვდნენ უწყებრივი მედლებით – „გიორგი ანწუხელიძე“ და სამახსოვრო ფასიანი საჩუქრებით.
წყარო - თავდაცვის სამინისტრო
