მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

აშშ-ში ქალების უფლება აბორტზე გაუქმდა: ჯანმო სასამართლოს გადაწყვეტილებას აკრიტიკებს

© photo: Sputnik / Alexey Vitvitskiy / გადასვლა მედიაბანკშიჯანმოს გენერალური დირექტორი ტედროს ადანომ გებრეიესუსი
ჯანმოს გენერალური დირექტორი ტედროს ადანომ გებრეიესუსი - Sputnik საქართველო, 1920, 25.06.2022
გამოწერა
НовостиTelegram
აშშ-ის უზენაესმა სასამართლომ გადახედა 1973 წლის საქმე „როუ უეიდის წინააღმდეგ“ და გააუქმა ორსულობის შეწყვეტაზე უფლების საკონსტიტუციო გარანტია
თბილისი, 25 ივნისი — Sputnik. ჯანდაცვის მსოფლიო ორგანიზაცია იმედგაცრუებულია აშშ-ის უზენაესი სასამართლოს გადაწყვეტილებით, რომლითაც აბორტის კონსტიტუციური უფლება გაუქმდა.
„ძალიან იმედგაცრუებული ვარ, ვინაიდან ქალთა უფლებები დაცული უნდა იყოს. მოლოდინი მქონდა, რომ ამერიკა ასეთ უფლებებს დაიცავდა“, - განუცხადა სააგენტო Reuter-ს ჯანმოს გენერალურმა დირექტორმა ტედროს ადანომ გებრეიესუსმა.
პარასკევს აშშ-ის უზენაესმა სასამართლომ გადახედა 1973 წლის საქმე „როუ უეიდის წინააღმდეგ“ და გააუქმა ორსულობის შეწყვეტის კონსტიტუციური უფლების გარანტია. ეს კი ამერიკის შტატებს ამ სფეროს დამოუკიდებლად რეგულირების შესაძლებლობას აძლევს.
ამერიკის პრეზიდენტმა ჯო ბაიდენმა უზენაესი სასამართლოს გადაწყვეტილება მკვეთრად გააკრიტიკა. მან აღნიშნა, რომ შტატების კანონები აბორტების აკრძალვის შესახებ, რომლებიც ახლა ავტომატურად შევა ძალაში, ქალებს საფრთხის ქვეშ დააყენებს.
„ეს სევდიანი დღეა სასამართლოსთვის და მთელი ქვეყნისთვის“, - განაცხადა ბაიდენმა. მისივე თქმით, სასამართლოს ვერდიქტი აშშ-ს 150 წლით უკან დააბრუნებს.
1973 წლის საქმე Roe v Wade ანიჭებდა ქალებს უფლებას, სახელმწიფოს მხრიდან ყოველგვარი შეზღუდვის გარეშე ჩაიტარონ ოპერაცია ორსულობის შეწყვეტის მიზნით.
ყველა ახალი ამბავი
0