საქართველოს ნაკრები ფიფას რეიტინგში დაწინაურდა

© The Georgia national football team საქართველოს ნაკრები, გულშემატკივარი
საქართველოს ნაკრები, გულშემატკივარი - Sputnik საქართველო, 1920, 23.06.2022
გამოწერა
Yandex newsTelegram
საქართველოს ნაკრებს ივნისის სანაკრებო მატჩების დროს წარმატებული ასპარეზობა დაუფასდა და 20,15 სარეიტინგო ქულა დაემატა.
თბილისი, 23 ივნისი — Sputnik. ფიფამ ივნისის სანაკრებო მატჩების შემდეგ რეიტინგი განაახლა, რომელშიც საქართველოს ნაკრები სამი პოზიციით დაწინაურდა.
საქართველოს საფეხბურთო ნაკრებს 9-მატჩიანი წაუგებელი სერია აქვს, რაც რეიტინგშიც აისახა. ივნისის სანაკრებო პაუზის წარმატებულად ჩატარების შემდეგ საქართველოს ნაკრებს 20,15 ქულა დაემატა (სულ 1.296,46) და რეიტინგში 85-ე ადგილიდან 82-ე პოზიციაზე გადაინაცვლა.
რეიტინგში საქართველოს ნაკრების უშუალო კონკურენტთა სია კი ასე გამოიყურება:
79. გაბონი - 1.301 ქულა
80. ჰონდურასი - 1.299
81. ბოლივია - 1.298
82. საქართველო - 1.296
83. გვინეა - 1.294
84. კურასაო - 1.293
85. ბაჰრეინი - 1.289
ფიფას რეიტინგის ლიდერი კვლავ ბრაზილიაა, რომელსაც ბელგია მოჰყვება. ამასთან, პირველ ათეულში რამდენიმე ცვლილება მოხდა – არგენტინამ საფრანგეთს გადაასწრო, ესპანეთმა – იტალიას, ნიდერლანდმა პორტუგალიასა და დანიას აჯობა, ხოლო დანიამ მექსიკას გადაასწრო და ათეულში შევიდა.
1.
ბრაზილია - 1.837 ქულა
2.
ბელგია - 1.821
3.
არგენტინა - 1.770
4.
საფრანგეთი - 1.764
5.
ინგლისი - 1.737
6.
ესპანეთი - 1.716
7.
იტალია - 1.713
8.
ნიდერლანდი - 1.679
9.
პორტუგალია - 1.678
10.
დანია - 1.665
აღსანიშნავია, რომ საქართველოს ნაკრებმა ივნისში ოთხი ოფიციალური მატჩი ჩაატარა, საიდანაც სამი მოიგო, ერთი კი ფრედ დაასრულა. ვილი სანიოლის გუნდმა გიბრალტარი 4:0, ბულგარეთი 5:2 და ჩრდილოეთ მაკედონია 3:0 დაამარცხა, ხოლო ბულგარეთთან მეორე დაპირისპირება ფრედ 0:0 დასრულდა.
ყველა ახალი ამბავი
0