მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ირანი რუსეთთან ვიზებს აუქმებს: დასახელდა პირველი ნაბიჯი

  - Sputnik საქართველო, 1920, 23.06.2022
გამოწერა
Yandex newsTelegram
თბილისი, 23 ივნისი — Sputnik. ირანი მზად არის გააუქმოს ვიზები რუსეთის მოქალაქეებისთვის, რომლებიც ჩვენს ქვეყანაში შემოსვლას მოისურვებენ, განაცხადა ირანის საგარეო საქმეთა მინისტრმა ჰოსეინ ამირ აბდოლაჰიანმა.
მისი თქმით, ვიზალიბერალიზაციის კუთხით პირველი ნაბიჯი — რუსი ბიზნესმენებისთვის ვიზების გაუქმება იქნება.

„ირანის ისლამური რესპუბლიკა გამოთქვამს სრულ მზადყოფნას, გამოაცხადოს ვიზების ორმხრივი გაუქმება და გადადგას აუცილებელი ნაბიჯები. პირველი ნაბიჯი იქნება ბიზნესმენებისთვის სავიზო რეჟიმის სრულად გაუქმება. ეს საკითხი უკვე განვიხილეთ. ჩვენი სპეციალისტები მასზე მუშაობას მალე დაასრულებენ“, — განაცხადა აბდოლაჰიანმა რუსეთის საგარეო საქმეთა მინისტრთან სერგეი ლავროვთან შეხვედრის შემდეგ.

ირანელი მინისტრის განცხადებით, რუსეთსა და ირანს „კარგი ურთიერთობები უყალიბდებათ სრული ვიზალიბერალიზაციის საკითხთან დაკავშირებით“.
რუსეთის საგარეო საქმეთა მინისტრი სერგეი ლავროვი თეირანში იმყოფება ოფიციალური ვიზიტით, სადაც ირანელ კოლეგასთან ბირთვული შეთანხმების ირგვლივ არსებული ვითარება, ასევე უკრაინასთან, ავღანეთთან, სირიასთან დაკავშირებული და ორმხრივი ურთიერთობები განიხილა.
ყველა ახალი ამბავი
0