რუსეთის საგარეო უწყება: პასუხი იქნება პრაქტიკული და არა დიპლომატიური

© photo: Sputnik / Mikhail Voskresenskiy
  - Sputnik საქართველო, 1920, 22.06.2022
გამოწერა
Yandex newsTelegram
თბილისი, 22 ივნისი — Sputnik. რუსეთის პასუხი ლიეტუვის გავლით კალინინგრადის რეგიონში საქონლის ტრანზიტის აკრძალვაზე იქნება პრაქტიკული, განაცხადა საგარეო საქმეთა სამინისტროს წარმომადგენელმა მარია ზახაროვამ.

„რაც შეეხება საპასუხო ზომებს, ისინი მუშავდება უწყებათშორის ფორმატში... პასუხები იქნება არა დიპლომატიური, არამედ პრაქტიკული“, — განაცხადა მან ბრიფინგზე.

ზახაროვას თქმით, რუსეთმა ლიეტუვასა და ევროკავშირს მსგავსი ქმედებების დაუშვებლობის შესახებ აცნობა და მიღებული ზომების შეცვლა, სიტუაციის სამართლებრივ კურსზე დაბრუნება მოსთხოვა. თუმცა პასუხი ჯერ კიდევ არ მიუღიათ — ეს დამოკიდებულია იმაზე, თანახმა იქნება თუ არა ვილნიუსი ტრანზიტის აკრძალვის მოხსნაზე.
ლიეტუვამ კალინინგრადის რეგიონს 18 ივნისიდან დაუბლოკა ევროკავშირის სანქციებს დაქვემდებარებული საქონლის ტრანზიტი. ესენია: სამშენებლო მასალები, ლითონი, ხე, ცემენტი, სასუქი, ალკოჰოლი, ხიზილალა და ზოგიერთი სხვა კატეგორიის საქონელი, რაც მთლიანობაში რეგიონში ტრანზიტის დაახლოებით 50 პროცენტს შეადგენს.
კალინინგრადის გუბერნატორ ანტონ ალიხანოვის თქმით, ნავთობპროდუქტების ტრანსპორტირება რეგიონში ლიტვის გავლით გრძელდება, მათი ტრანზიტი 10 აგვისტომდე შეზღუდული არ არის.
ყველა ახალი ამბავი
0