გახრწნილი ხორცის საქმე - სახლის მეპატრონე მეზობლებს სასამართლოში უჩივლებს

© press-service of the National Food Agencyხორცი
ხორცი - Sputnik საქართველო, 1920, 22.06.2022
გამოწერა
Yandex newsTelegram
შსს-მ სისხლის სამართლის საქმე „სისხლით ან სისხლის კომპონენტებით უკანონო ვაჭრობის“ მუხლით აღძრა.
თბილისი, 22 ივნისი – Sputnik. თბილისში მცხოვრები ექიმი, რომლის ბინიდანაც პოლიციამ გაურკვეველი წარმომავლობის რამდენიმე კილოგრამი გახრწნილი ხორცი ამოიღო, აპირებს სასამართლოში უჩივლოს მეზობლებს ტყუილისთვის, იუწყება ტელეარხი „იმედი“.
პოლიცია სანზონაში მდებარე მრავალბინიანი კორპუსის მობინადრეებმა 19 ივნისს გამოიძახეს გაუსაძლისი სუნის გამო, რომელიც რამდენიმე დღის განმავლობაში აწუხებდათ. მოქმედი ექიმ-თერაპევტის ბინაში პოლიციას დახვდა დიდი რაოდენობით გახრწნილი ხორცი, ფეკალიებით და სისხლის მაგვარი სითხით სავსე კონტეინერები.

„ნამდვილად ვიცი, რა მქონდა მაცივარში და გამოძიება ყველაფერს იტყვის. ყველაფერი, რასაც აცხადებენ, ცილისწამებაა“, – აღნიშნა ქალმა.

მისი სიტყვებით, მეზობლების მონაყოლი იმაზე, რომ ბინაში ბევრი ხორცი იყო, სინამდვილეს არ შეესაბამება. „რომ ამბობენ, დიდი რაოდენობაო, არ ვიცი, დიდ რაოდენობაში რა იგულისხმება. მაქსიმუმ 5-დან 7 კილომდე იქნებოდა. ეს ნებისმიერ სახლში შეიძლება იყოს“, – თქვა მან და აღნიშნა, რომ გაფუჭებული ხორცის გადაყრა ვერ მოასწრო.
ტელეარხ „იმედის“ ინფორმაციით, უკვე ცნობილია ამოღებული ხორცის ექსპერტიზის პასუხი. ის ეკუთვნის რქოსან პირუტყვს. როგორც მასმედია იუწყება, ქალი, რომლის ბინაშიც გახრწნილი ხორცი იპოვეს, განაგრძობს მუშაობას მუხიანის რაიონის ერთ-ერთ კლინიკაში.
მძაფრი უსიამოვნო სუნი ქალმა გაფუჭებული მაცივრითა და კანალიზაციით ახსნა. ამასთან, გახრწნილი ხორცის აღმოჩენის დღიდან მედიასაშუალებების ნაწილი არც იმას გამორიცხავდა, რომ საქმე ეხებოდა კანიბალიზმს.
საქართველოს შსს-ში აღძრულია სისხლის სამართლის საქმე „სისხლით ან სისხლის კომპონენტებით უკანონო ვაჭრობის“ მუხლით.
წყარო - ტელეკომპანია „იმედი“
ყველა ახალი ამბავი
0