ინკლუზიური სახელოვნებო პროექტების ხელშეწყობის მიზნით კონკურსი გამოცხადდა

© photo: Sputnikსაქართველოს კულტურის სამინისტრო
საქართველოს კულტურის სამინისტრო - Sputnik საქართველო, 1920, 21.06.2022
გამოწერა
Yandex newsTelegram
კონკურსში მონაწილეობის უფლება აქვს საქართველოში რეგისტრირებულ იურიდიულ პირს.
თბილისი, 21 ივნისი — Sputnik. საქართველოს კულტურის, სპორტისა და ახალგაზრდობის სამინისტრომ გამოაცხადა კონკურსი „ინკლუზიური სახელოვნებო პროექტების ხელშეწყობა".
უწყების ცნობით, კონკურსის მიზანია ინკლუზიური სახელოვნებო პროექტების ხელშეწყობა, შეზღუდული შესაძლებლობის მქონე პირთა შემოქმედებითი უნარების განვითარება, წარმოჩენა და მათი კულტურულ ცხოვრებაში ჩართვის თანაბარი შესაძლებლობების უზრუნველყოფა, კულტურის პროდუქტის შექმნა და მასზე დისტანციური ხელმისაწვდომობა.
კონკურსის ბიუჯეტი 120 ათას ლარს შეადგენს. კონკურსში მონაწილეობის უფლება აქვს საქართველოში რეგისტრირებულ იურიდიულ პირს. კონკურსანტს შეუძლია მხოლოდ ერთი პროექტის წარმოდგენა.
იდენტური კონკურსი შარშანაც გამოცხადდა, რომლის ფარგლებში ოთხი პროექტი დაფინანსდა:
1.
სპექტაკლი „ჭკუისა მჭირს", განმახორციელებელი - ა(ა)იპ „შშმ და დიაბეტით დაავადებულ მოზარდთა რეაბილიტაციის ფონდი არტ ჰოლი+";
2.
სპექტაკლი „შერეკილები", განმახორციელებელი - ა(ა)იპ „ახალგაზრდობა სოციალური თანასწორობისთვის";
3.
„თანამედროვე ქართველი კომპოზიტორები პარაორკესტრთან ერთად 3 დეკემბრისთვის" განმახორციელებელი - ა(ა)იპ „მშობელთა ხიდი";
4.
ირა კოხრეიძის ინკლუზიური თეატრის სპექტაკლი „ახალი თამაში".
უწყების ინფორმაციით, პროექტების ფარგლებში მონაწილე და დასაქმებულ პირთა საერთო რაოდენობამ 137 ადამიანი შეადგინა, მათ შორის იყო შეზღუდული შესაძლებლობის მქონე 66 პირი.
საკონკურსო განაცხადები მიიღება 2022 წლის 21 ივნისიდან 2021 წლის 30 ივნისის 12:00 საათამდე კულტურის სამინისტროს მისამართზე, ან სამინისტროს ოფიციალურ ელექტრონულ ფოსტაზე - info@culture.gov.ge ელექტრონული დოკუმენტის სახით.
ინფორმაცია კონკურსში გამარჯვებული პროექტების შესახებ გამოქვეყნდება არაუგვიანეს 2022 წლის 13 ივლისისა.
ყველა ახალი ამბავი
0