სროლა ქალაქში: დაღუპულია მოზარდი, დაჭრილია პოლიციელი - ვიდეო
10:43 20.06.2022 (განახლებულია: 15:45 20.07.2023)
© photo: Sputnik / Dmitriy Parshin
/ გამოწერა
თბილისი, 20 ივნისი — Sputnik. ვაშინგტონში სროლის შედეგად დაიღუპა მოზარდი და დაშავდა სამი ადამიანი, მათ შორის ერთი პოლიციელი, იუწყება ტელეარხი Fox News ვაშინგტონის პოლიციის დეპარტამენტზე დაყრდნობით.
Large crowds react to situation at 14th & U streets in Washington, DC at 6:47pm. This was an incident prior to the evening shooting at the same location. @DCPoliceDept @nbcwashington @fox5dc pic.twitter.com/ZWhbo4dAHN
— Christian Mullins (@CMullins893) June 20, 2022
ვაშინგტონის პოლიციის უფროსის რობერტ კონტის თქმით, ინციდენტი Moechella-ს ფესტივალთან დაკავშირებულ არასანქცირებულ ღონისძიებაზე მოხდა, რომელსაც „ვაშინგტონის კულტურის გამაძლიერებელი ინტერესების დამცველად“ მიიჩნევენ.
გავრცელებული ინფორმაციით, დაღუპული მოზარდი 15 წლის იყო.
„ჩვენ უნდა დავრწმუნდეთ, რომ ადამიანები პასუხს აგებენ თავიანთ ქცევაზე. როცა მჭიდროდ დასახლებულ რაიონში ხალხის დიდი მასა იკრიბება, სახიფათო გარემოს შესაქმნელად საკმარისია ერთი შეიარაღებული ადამიანი“, — განაცხადა პოლიციის შეფმა.
კონტის თქმით, გამოძიების ფარგლებში პოლიციამ უკვე ამოიღო ცეცხლსასროლი იარაღის რამდენიმე ნიმუში. თუმცა იარაღი, საიდანაც პოლიციელს ესროლეს, ჯერ არ არის ნაპოვნი.
BREAKING: first victim girl, 16, dead and 'several injured' in Washington DC public event shooting. One officer shot in the leg. pic.twitter.com/DpkoWQM6Bt
— Joshua Jered (@Joshuajered) June 20, 2022
ვაშინგტონის პოლიციაში ეჭვმიტანილთა ვინაობასა და რაოდენობას არ აკონკრეტებენ.
