ირაკლი ღარიბაშვილი კატარის მაღალი დონის ეკონომიკურ ფორუმზე გაემგზავრა

© Government of Georgiaირაკლი ღარიბაშვილი
ირაკლი ღარიბაშვილი - Sputnik საქართველო, 1920, 20.06.2022
გამოწერა
უწყების ცნობით, პრემიერ-მინისტრი მაღალი დონის ორმხრივ შეხვედრებს გამართავს.
თბილისი, 20 ივნისი – Sputnik. საქართველოს პრემიერ-მინისტრი ირაკლი ღარიბაშვილი კატარის ყოველწლიურ ეკონომიკურ ფორუმში მიიღებს მონაწილეობას. ამის შესახებ ინფორმაციას საქართველოს მთავრობის ადმინისტრაცია ავრცელებს.
უწყების ცნობით, საქართველოს დელეგაცია ირაკლი ღარიბაშვილის ხელმძღვანელობით ფორუმზე დასასწრებად დღეს გაემგზავრა.
ვიზიტის ფარგლებში დაგეგმილია პრემიერ-მინისტრის მაღალი დონის ორმხრივი შეხვედრები, ასევე დაგეგმილია ღარიბაშვილის სიტყვით გამოსვლა შესაბამის პანელურ დისკუსიაზე.
საქართველოს დელეგაციის შემადგენლობაში იმყოფებიან ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, საგარეო საქმეთა მინისტრი ილია დარჩიაშვილი, მთავრობის ადმინისტრაციის უფროსი რევაზ ჯაველიძე და აჭარის ავტონომიური რესპუბლიკის თავმჯდომარე თორნიკე რიჟვაძე.
ყველა ახალი ამბავი
0