კრემლი ლიეტუვის მიერ კალინინგრადის ბლოკადაზე აღშფოთდა

© photo: Sputnik / Alexey Danichev / ფოტობანკში გადასვლაკალინინგრადი
კალინინგრადი - Sputnik საქართველო, 1920, 20.06.2022
გამოწერა
Yandex newsTelegram
თბილისი, 20 ივნისი — Sputnik. ლიტვის გადაწყვეტილება, შეაჩეროს კალინინგრადის ოლქის გავლით მთელი რიგი საქონლის ტრანზიტი, უპრეცედენტოა, რუსეთი ამას უკანონოდ მიიჩნევს, განუცხადა ჟურნალისტებს რუსეთის პრეზიდენტის პრეს-მდივანმა დმიტრი პესკოვმა.

„გადაწყვეტილება მართლაც უპრეცედენტოა. ეს არის ყველაფრის დარღვევა. ჩვენ გვესმის, რომ ეს უკავშირდება ევროკავშირის შესაბამის გადაწყვეტილებას, გავრცელდეს სანქციები ტრანზიტზე. ჩვენ ამასაც უკანონოდ მივიჩნევთ", — განაცხადა მან.

პესკოვის თქმით, სიტუაცია ამ მხრივ სერიოზულზე უფრო მეტია და უკვე უახლოეს დღეებში მოითხოვს ძალიან ღრმა ანალიზს რაიმე ზომებისა და გადაწყვეტილების ჩამოყალიბებამდე.
„ეს ბლოკადის ელემენტია“, — მიაჩნია პესკოვს.
მანამდე ლიეტუვის რკინიგზამ კალინინგრადის რკინიგზას ევროკავშირის სანქციებს დაქვემდებარებული რიგი ტვირთების ტრანზიტის შეწყვეტის შესახებ აცნობა. კალინინგრადის რეგიონში ლიტვის გავლით ნავთობპროდუქტების ტრანსპორტირება გრძელდება, მათი ტრანზიტი 10 აგვისტომდეა დაშვებული.
როგორც ფედერაციის საბჭოს სუვერენიტეტის დაცვის კომისიის ხელმძღვანელმა ანდრეი კლიმოვმა განაცხადა, ევროკავშირმა უნდა გამოასწოროს კალინინგრადის ბლოკადასთან დაკავშირებული სიტუაცია, წინააღმდეგ შემთხვევაში რუსეთს ხელები გაეხსნება ტრანზიტის ნებისმიერი საშუალებით გადაჭრისთვის. მისივე თქმით, ნატო რუსეთის რეგიონის ბლოკადას ლიტვის ხელებით წყებს, რაც პირდაპირი აგრესიაა რუსეთის წინააღმდეგ და აიძულებს მას, მიმართოს თავდაცვას.
ყველა ახალი ამბავი
0