აჭარაში უცხო ქვეყნის მოქალაქეს ფულს სძალავდნენ

© photo: Sputnikეჭვმიტანილი ხელბორკილებში
ეჭვმიტანილი ხელბორკილებში - Sputnik საქართველო, 1920, 20.06.2022
გამოწერა
Yandex newsTelegram
დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს.
თბილისი, 20 ივნისი – Sputnik. სამართალდამცველებმა აჭარაში ჯგუფურად ჩადენილი გამოძალვის ბრალდებით სამი პირი დააკავეს. ამის შესახებ ინფორმაციას საქართველოს შინაგან საქმეთა სამინისტრო ავრცელებს.
უწყების ცნობით, დაკავებულთა შორის, რომელთა ასაკი 21-დან 33 წლამდეა, წარსულში ნასამართლევი პირებიც არიან.
გამოძიების მიხედვით, ბრალდებულები თანხას სძალავდნენ უცხო ქვეყნის მოქალაქეს, რომელიც ხელვაჩაურის მუნიციპალიტეტში პარაპლანების გაქირავებით კომერციულ საქმიანობას ეწეოდა.

„ბრალდებულები ძალადობის გამოყენებით, ასევე სიცოცხლის მოსპობისა და პარაპლანების წართმევის მუქარით მას მიღებული შემოსავლის გაყოფას სთხოვდნენ“, – ნათქვამია განცხადებაში.

უწყების ცნობით, მოსამართლის განჩინების საფუძველზე სამართალდამცველებმა ფარული საგამოძიებო და კომპლექსური საგამოძიებო-საპროცესო მოქმედებები ჩაატარეს, რის შედეგადაც დადასტურდა დანაშაულებრივი ჯგუფის მიერ განხორციელებული უკანონო ქმედებები.
პოლიციამ სამივე პირი სპეციალური ოპერატიული ღონისძიების შედეგად, მოსამართლის განჩინების საფუძველზე აჭარაში დააკავა.
ჯგუფურად ჩადენილ გამოძალვის ფაქტზე გამოძიება საქართველოს სსკ-ის 181-ე მუხლით მიმდინარეობს.
ყველა ახალი ამბავი
0