კინომოყვარულები ლეგენდარულ ფრანგ მსახიობს ემშვიდობებიან: ჟან-ლუი ტრენტინიანი გარდაიცვალა

© photo: Sputnik / Ekaterina Chesnokovaჟან-ლუი ტრენტინიანი
ჟან-ლუი ტრენტინიანი - Sputnik საქართველო, 1920, 17.06.2022
გამოწერა
Yandex newsTelegram
ჟან-ლუი ტრენტინიანს მსოფლიო აღიარება მოუტანა ფილმებმა „კონფორმისტი“ და „ქალი და მამაკაცი“.
თბილისი, 17 ივნისი — Sputnik. ფრანგული კინოს ლეგენდა ჟან-ლუი ტრენტინიანი 91 წლის ასაკში გარდაიცვალა. ინფორმაციას სააგენტო „ფრანს პრესი" მის მეუღლეზე დაყრდნობით ავრცელებს.
ტრენტინიანი იყო მსოფლიოს ორი უდიდესი – კანისა და ბერლინის კინოფესტივალების პრიზიორი.
ჟან-ლუი ტრენტინიანის დებიუტი თეატრში 1951 წელს შედგა. რამდენიმე თეატრალურ დადგმაში მონაწილეობის შემდეგ კი, 1955 წელს ის პირველად გამოჩნდა კინოში.
ფილმმა „და ღმერთმა შექმნა ქალი“ მას დიდი პოპულარობა მოუტანა. აღნიშნულ ფილმში ტრენტინიანის მეწყვილე ბრიჯიტ ბარდო იყო.
რეჟისორ კლოდ ლელუშის ფილმში „ქალი და მამაკაცი“ (1966) ავტომრბოლელის როლის შესრულებამ კი ტრენტინიანს საერთაშორისო აღიარება მოუტანა. ფილმმა მიიღო კანის ფესტივალის გრან–პრი, „ოსკარი" კატეგორიაში „უცხოენოვანი საუკეთესო ფილმი", ხოლო ტრენტინიანმა – საუკეთესო ორიგინალური სცენარისთვის.
მსახიობს 1969 წელს ფილმისთვის „ძეტა“ მიღებული აქვს კანის კინოფესტივალის ჯილდო ნომინაციაში – საუკეთესო მამაკაცი მსახიობი.
2012 წელს მსახიობმა მთავარი როლი შეასრულა ფილმში „სიყვარული", რამაც მას პრემია „ცეზარი", ევროპის კინოაკადემიის პრემია და ასევე „ოსკარის" პრემიაზე 2013 წელს ერთ-ერთი ცენტრალური კანდიდატის სტატუსი მოუტანა. თავად ფილმმა „ოსკარი" მიიღო კატეგორიაში „უცხოენოვანი საუკეთესო ფილმი".
ყველა ახალი ამბავი
0