„რაღაც ახალი პრობლემა დაინახეს...“ - ხათუნა ჟორდანია თურქეთში მკურნალობს

„ამჟამად ვიმყოფები სტამბულში. ჩამოვედი შესამოწმებლად, მიწევდა სამ თვეში ერთხელ ჩამოსვლა, გადამიყვანეს 6 თვეზე, თუმცა ჩამოვედი ცოტა დაგვიანებით 6 თვის თავზე და კიდევ რაღაც ახალი პრობლემა დაინახეს. გავდივარ მკურნალობის კურსს, რაც გამოიხატება დასხივებაში, ანუ ვიკეთებ თითქმის ყოველდღე“, – ამბობს ხათუნა ჟორდანია და სხვა პაციენტებს გამამხნევებელ მიმართვას უგზავნის.

„მე ვიყავი და ვარ ამის მაგალითი. ზუსტად ვიცი ის პატარა პრობლემა რაც არის, იმასაც მოვერევი და ვიბრძოლებ ბოლომდე, რომ მოვერიო ამ ვერაგ დაავადებას. ყველა იმ ადამიანს, ვინც ებრძვის ამ დაავადებას: ერთი წამით არ დაყაროთ ფარ-ხმალი! ბრძოლას ყოველთვის აქვს აზრი, მე ჩემი სიცოცხლით დაგიმტკიცებთ, რომ ყველა დაავადება განკურნებადია, თუ ადამიანი მოინდომებს“, – ამბობს ჟორდანია.