მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

მსოფლიოს ზრდასრული მოსახლეობის მეათედმა წერა-კითხვა არ იცის: იუნესკო მონაცემებს აქვეყნებს

© photo: AFP 2020 / JACQUES DEMARTHON
  - Sputnik საქართველო, 1920, 16.06.2022
გამოწერა
Yandex newsTelegram
თბილისი, 16 ივნისი — Sputnik. მსოფლიოში დაახლოებით 770 მილიონმა ზრდასრულმა არ იცის წერა და კითხვა, განაცხადა იუნესკოს გენერალურმა დირექტორმა ოდრი აზულემ.
მისი თქმით, მათგან დაახლოებით ორი მესამედი ქალია.

„მსოფლიოში 770 მილიონზე მეტ ზრდასრულსა და 126 მილიონ ახალგაზრდას მარტივი ფრაზების დაწერა და წაკითხვა არ შეუძლია“, – აღნიშნა აზულემ ზრდასრულთა განათლების მე-7 საერთაშორისო კონფერენციაზე გამოსვლისას.

მან მოუწოდა საერთაშორისო ორგანიზაციებს, გაზარდონ ძალისხმევები ზრდასრულთა განათლების უზრუნველსაყოფად.
გაეროს და იუნესკოს მონაცემებით, წიგნიერების ყველაზე სერიოზულ პრობლემებს აფრიკის ქვეყნები განიცდიან. ამ მხრივ ანტირეკორდი სომალის ეკუთვნის, რომლის 15 წელზე მეტი ასაკის მოსახლეობის მხოლოდ 5%-ს შეუძლია წერა-კითხვა. მეორე ადგილზეა ჩადი (22%), მესამეზე — მალი (31%).
იუნესკოს მონაცემებით, ბევრ ქვეყანაში განათლება კორონავირუსის პანდემიამ შეაფერხა. როგორც ორგანიზაციაში აცხადებენ, სკოლების დახურვის გამო მსოფლიოს 500 მილიონზე მეტმა მოსწავლემ ან ვერ შეძლო წერა-კითხვის სწავლის გაგრძელება, ან საერთოდ სწავლის დაწყება.
ყველა ახალი ამბავი
0