თბილისში 5 ათასზე მეტ აბონენტს გაზმომარაგება დროებით შეუწყდება

© Pixabay / stevepbგაზქურა
გაზქურა - Sputnik საქართველო, 1920, 16.06.2022
გამოწერა
Yandex newsTelegram
კომპანია „თბილისი ენერჯი“ აბონენტებს ბოდიშს უხდის შექმნილი დისკომფორტის გამო.
თბილისი, 16 ივნისი — Sputnik. ვარკეთილის რაიონში მდებარე ერთ-ერთი სკვერის რეაბილიტაციის ფარგლებში აუცილებელია „თბილისი ენერჯის“ კუთვნილი გაზსადენის რეკონსტრუქცია, რის გამოც გაზმომარაგება 5.400-მდე აბონენტს დროებით შეუწყება, ნათქვამია კომპანია „თბილისი ენერჯის“ მიერ გავრცელებულ ინფორმაციაში.
კომპანიის ცნობით, სარეკონსტრუქციო სამუშაოების მიმდინარეობისას ვარკეთილის რაიონში გაზმომარაგება დროებით შეწყდება 17 ივნისის 10:00 საათიდან 15:00 საათამდე და ეტაპობრივად სრულად აღდგება 22:00 საათამდე.
კერძოდ, გაზმომარაგება შეუწყდება ვარკეთილის III მასივსა და ვარკეთილის ზემო პლატოზე მდებარე საცხოვრებელი კორპუსების მოსახლეობას, ასევე ვარკეთილის მეურნეობის – მშვიდობის ქ. 1-ში მდებარე დევნილებით ჩასახლებული საცხოვრებელი კორპუსის, ჭავჭავაძის, რუსთაველის, რაჭის, იმერეთის, სამგორის, მეგობრობის, წერეთელის, ვაჟა-ფშაველას, გუდამაყრის, სოფელ დიდი ლილოს მიმდებარედ მცხოვრებ კერძო სექტორის მოსახლეობის ნაწილს და მცირე და მსხვილ კომერციულ ობიექტებს.
კომპანია „თბილისი ენერჯი“ აბონენტებს ბოდიშს უხდის შექმნილი დისკომფორტის გამო.
ყველა ახალი ამბავი
0