ჭადრაკი: ნინო ბაციაშვილი საქართველოს ჩემპიონი მეოთხედ გახდა

© courtesy by Chess.com / John Saundersნინო ბაციაშვილი
ნინო ბაციაშვილი - Sputnik საქართველო, 1920, 16.06.2022
გამოწერა
Yandex newsTelegram
ბაციაშვილმა საქართველოს ჩემპიონატზე ცხრა პარტია ითამაშა და რვაჯერ იმარჯვა, მას ნახევარი ქულით ჩამორჩა სალომე მელია.
თბილისი, 16 ივნისი – Sputnik. ქართველი მოჭადრაკე ნინო ბაციაშვილი ქალთა შორის საქართველოს ჩემპიონი მეოთხედ გახდა. ინფორმაციას საქართველოს ჭადრაკის ფედერაცია ავრცელებს.
თბილისის ჭადრაკის სასახლეში საქართველოს მოჭადრაკე ქალთა 79-ე ჩემპიონატი 15 ივნისს დასრულდა. ჩემპიონატში საქართველოს სხვადასხვა რეგიონის 10 წარმომადგენელი საპრიზო ადგილებისთვის წრიული სისტემით იბრძოდა.
ბათუმელმა მოჭადრაკემ პირველი წაგებული შეხვედრის შემდეგ ზედიზედ 8 პარტია მოიგო, ბოლო ტურში კი ბაციაშვილმა თეთრი ფიგურებით დიანა ლომაია დაამარცხა, რაც გადამწყვეტი აღმოჩნდა.
აღსანიშნავია, რომ ბაციაშვილს ნახევარი ქულით ჩამორჩა კიდევ ერთი ბათუმელი მოჯადრაკე სალომე მელია, რომელიც მე-9 ტურში შავი ფიგურებით მერი არაბიძეს დაუზავდა.
საქართველოს ჩემპიონატზე საბოლოო შედეგები ასე გადანაწილდა: ნინო ბაციაშვილი - 8, სალომე მელია - 7.5, ლელა ჯავახიშვილი - 7, მერი არაბიძე, სოფიო გვეტაძე - 4.5-4.5, ალექსანდრა ვახანია, მაკა ფურცელაძე - 4-4, დიანა ლომაია - 3.5, თამარ ესაძე - 1.5, ელენე წოწონავა - 0.5 ქულა.
აღსანიშნავია, რომ ნინო ბაციაშვილი 2018 წლიდან საერთაშორისო დიდოსტატია. ის მეხუთე ქალია საქართველოში, რომელმაც ეს წოდება მიიღო და 36-ე ქალი მსოფლიოში, რომელსაც გროსმაისტერის წოდება აქვს. საქართველოში გროსმაისტერის წოდება მიღებული აქვთ ნონა გაფრინდაშვილს, მაია ჩიბურდანიძეს, ნანა ძაგნიძესა და ბელა ხოტენაშვილს.
ყველა ახალი ამბავი
0