მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ჯანმო „მაიმუნის ყვავილს“ სახელს ოფიციალურად შეუცვლის: გებრეიესუსის განცხადება

© AP Photo / Jonathan Gibbonsტედროს ადანომ გებრეიესუსი
ტედროს ადანომ გებრეიესუსი - Sputnik საქართველო, 1920, 15.06.2022
გამოწერა
Yandex newsTelegram
თბილისი, 15 ივნისი — Sputnik. ჯანმრთელობის მსოფლიო ორგანიზაცია ოფიციალურად შეუცვლის სახელს დაავადება მაიმუნის ყვავილს და მას „ნაკლებად სტიგმატიზებულ“ სახელწოდებას მისცემს, განაცხადა ორგანიზაციის გენერალურმა დირექტორმა ტედროს ადანომ გებრეიესუსმა.
ჯანმოს ეს გადაწყვეტილება მეცნიერების ღია წერილს ეფუძნება, რომლებსაც დაავადების ამჟამინდელი სახელი არაზუსტად და დისკრიმინაციულად მიაჩნიათ.
წერილის ავტორები ამტკიცებენ, რომ ამჟამინდელი სახელი არ შეესაბამება ჯამრთელობის მსოფლიო ორგანიზაციის რეკომენდაციებს, რომელთა მიხედვითაც გეოგრაფიული რეგიონებისა და ცხოველების დასახელებები არ უნდა გამოიყენებოდეს დაავადების სახელწოდებაში.

„ამჟამინდელი გლობალური გავრცელების კონტექსტში ამ ვირუსის მუდმივი ბმა და ნომენკლატურა, როგორც აფრიკულისა, არა მხოლოდ არაზუსტია, არამედ დისკრიმინაციული და სტიგმატიზებულია“, — ნათქვამია წერილში.

გებრეიესუსის განმარტებით, ჯანმო უკვე მუშაობს პარტნიორებთან და მსოფლიო ექსპერტებთან ვირუსისთვის სახელის გადარქმევაზე. მისი თქმით, ჯანმო ახალ სახელს მალე გამოაცხადებს.
აღინიშნება, რომ სახელწოდება „მაიმუნის ყვავილთან“ დაკავშირებული სიტუაცია COVID-19-თან დაკავშირებულ ვითარებას ჰგავს. ჯანმომ ახალ კორონავირუსს ოფიციალურად SARS-CoV-2 მას შემდეგ უწოდა, რაც მთელ მსოფლიოში ხალხმა მას ჩინური ან უჰანური ვირუსი შეარქვა.
ამ დროისათვის ჯანმოს მაიმუნის ყვავილის 1600-ზე მეტი დადასტურებული შემთხვევა და დაახლოებით 1500 საეჭვო შემთხვევა აქვს დარეგისტრირებული მსოფლიოს 39 ქვეყანაში.
წყარო: Bloomberg
ყველა ახალი ამბავი
0