სახელმწიფო „ბორჯომის“ 7,73%-იან წილს მიიღებს

© photo: Sputnik / Anton Denisov / ფოტობანკში გადასვლამინერალური წყალი „ბორჯომი“
მინერალური წყალი „ბორჯომი“ - Sputnik საქართველო, 1920, 13.06.2022
გამოწერა
Yandex newsTelegram
IDS Borjomi International-ის დირექტორთა საბჭოს თავმჯდომარე საქართველოს მთავრობის წარმომადგენელი გახდება.
თბილისი, 13 ივნისი – Sputnik. მინერალური წყალი „ბორჯომის“ ჩამოსასხმელი ქარხნების მფლობელი კომპანია საქართველოს მთავრობას 7,73%-იან წილს უსასყიდლოდ გადასცემს, ნათქვამია კომპანიის განცხადებაში, რომელიც ქართულ მედიაში გავრცელდა.
იმის შესახებ, რომ ხელისუფლებასა და კომპანიას შორის მოლაპარაკებები წარმატებით დასრულდა, ორშაბათს საქართველოს პრემიერ-მინისტრმა ირაკლი ღარიბაშვილმა განაცხადა.
შეთანხმების თანახმად, მაკონტროლებელ აქციონერს IDS Borjomi Georgia International-ის კონტროლის ფუნქციები უკვე აღარ ექნება.
დირექტორთა საბჭოში IDS Borjomi Georgia International-ის მაკონტროლებელი აქციონერის წარმომადგენლობა რვიდან ორამდე შემცირდება.
დირექტორთა საბჭოს თავმჯდომარე საქართველოს მთავრობის წარმომადგენელი გახდება.
საქართველოს პრემიერ-მინისტრის განცხადებით, გარიგება საერთაშორისო სამართლის ნორმების სრული დაცვით გაფორმდა. ხელისუფლებამ ეს საკითხი საერთაშორისო პარტნიორებთან განიხილა.
კომპანიას აპრილში სერიოზული ფინანსური პრობლემები შეექმნა ანტირუსული სანქციების გამო. საქმე ანგარიშების გაყინვამდე მივიდა.
„IDS ბორჯომის" თანამშრომლებმა 31 მაისს უვადო გაფიცვა გამოაცხადეს. გაფიცულების მოთხოვნებია: ორი თვის ხელფასების დარიცხვა, გათავისუფლებული 50-მდე ადამიანის უპირობოდ დაბრუნება, უვადო შრომითი ხელშეკრულებების დადება.
პრობლემების ფონზე 19 მაისს კომპანიამ გამოაქვეყნა განცხადება, რომელშიც ნათქვამი იყო, რომ კომპანია მზადაა თავისი წილის ნაწილი უსასყიდლოდ გადასცეს საქართველოს მთავრობას. აღინიშნა, რომ თუ მთავრობა დათანხმდებოდა წინადადებას, ქარხნებში მინერალური წყლის წარმოება სრულად განახლდებოდა.
როგორც კომპანიაში აცხადებენ, ამ დროისათვის ორივე ქარხანა მინიმალური დატვირთვით, მხოლოდ საქართველოს ბაზრისთვის მუშაობს. გაფიცულების განცხადებით, ქარხნების მუშაობა სრულად პარალიზებულია და ადგილებზე მხოლოდ დირექცია რჩება.
2013 წლიდან IDS Borjomi Georgia-ს საკონტროლო პაკეტის 60% ეკუთვნის რუსულ კონსორციუმ „ალფა-ჯგუფს“ (Альфа-Групп), რომლის დამფუძნებელი მიხაილ ფრიდმანი სანქცირებული რუსი მეწარმეების სიაში მოხვდა.
გარიგების შემდეგ IDS Borjomi International-ის აქციონერთა სია ასე გამოიყურება:
Erasmony Limited (მიხაილ ფრიდმანი) - 49,99%
Black Waters Limited (პატარკაციშვილების ოჯახი) - 38,48%
საქართველოს სახელმწიფო - 7,73%
„ყოფილი თანამშრომელი და სხვადასხვა აქციონერი” - 3,79%
ყველა ახალი ამბავი
0