საქართველოს პრემიერი: ხელისუფლება არ დაუშვებს პროვოკაციებს 20 ივნისის აქციაზე

© Government of Georgiaირაკლი ღარიბაშვილი
ირაკლი ღარიბაშვილი - Sputnik საქართველო, 1920, 13.06.2022
გამოწერა
Yandex newsTelegram
საპროტესტო აქცია თბილისში დესტრუქციულმა ძალებმა დანიშნეს, დარწმუნებულია პრემიერი.
თბილისი, 13 ივნისი – Sputnik. საქართველოს პრემიერ-მინისტრმა ირაკლი ღარიბაშვილმა განაცხადა, რომ მთავრობა არ დაუშვებს უკანონობას და პროვოკაციებს აქციაზე, რომელიც თბილისის ცენტრში 20 ივნისსაა დანიშნული.
მოძრაობა „სირცხვილია“ 20 ივნისს გეგმავს აქცია-მსვლელობას სახელწოდებით „შინ ევროპისკენ“. მონაწილეები აპირებენ ევროპას აჩვენონ, რომ ევროკავშირში ინტეგრაცია – საქართველოს ისტორიული არჩევანია.

„მინდა ყველა გავაფრთხილო: ვინმეს ილუზია არ ჰქონდეს, ვინმე არ წამოეგოს ამ პროვოკაციას. ჩვენ არცერთ უკანონო ქმედებას არავის არ ვაპატიებთ. ჩვენ, მთავრობა კანონით მონიჭებული უფლებითა და ძალით დავიცავთ ჩვენი მოქალაქეების მშვიდობასა და ქვეყნის სტაბილურობას“, – განაცხადა ირაკლი ღარიბაშვილმა მთავრობის სხდომაზე.

პრემიერის სიტყვებით, აქციას ევროკავშირში ინტეგრაციის მოთხოვნით მართავენ ადამიანები, რომლებსაც არაფერი გაუკეთებიათ იმისთვის, რომ საქართველოსთვის მიენიჭებინათ ევროკავშირის წევრობის კანდიდატი ქვეყნის სტატუსი.
როგორც პრემიერმა აღნიშნა, დესტრუქციულ ძალებს, „საქართველოს მტრებს“ არ გამოუვიდათ ქვეყანაში რევოლუციის მოწყობა, საქართველოს ომში ჩათრევა და არც ამჯერად, 20 ივნისს გამოუვათ რამე.
სამი წლის წინ, 20 ივნისს ანტირუსული მიტინგი პარლამენტის შენობასთან არეულობაში გადაიზარდა და მანიფესტანტების სასტიკი დარბევით დასრულდა. შეტაკებების შედეგად დაშავდა 240 ადამიანი. ორმა ადამიანმა რეზინის ტყვიის მოხვედრის შედეგად თვალი დაკარგა.
ყველა ახალი ამბავი
0