მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„ეს მიუღებელია“: საელჩოში რუსეთის დღეს კანადელი დიპლომატი დაესწრო

  - Sputnik საქართველო, 1920, 13.06.2022
გამოწერა
Yandex newsTelegram
თბილისი, 13 ივნისი — Sputnik. კანადის საგარეო საქმეთა სამინისტროს წარმომადგენლის დასწრება რუსეთის საელჩოში გამართულ ღონისძიებაზე დაუშვებელია, განაცხადა კანადის საგარეო საქმეთა მინისტრმა მელანი ჯოლიმ.
აღნიშნული კომენტარი მინისტრმა მას შემდეგ გააკეთა, რაც ოტავაში რუსეთის საელჩომ განაცხადა, რომ რუსეთის დღესთან დაკავშირებით გამართულ მიღებას კანადის საგარეო უწყებისა და საზოგადოების წარმომადგენლები დაესწრნენ.

„ეს მიუღებელია. კანადის არცერთი წარმომადგენელი არ უნდა დაესწროს რუსეთის საელჩოში გამართულ ღონისძიებას. კანადის არცერთი წარმომადგენელი აღარ დაესწრება მსგავს ღონისძიებებს", — დაწერა ჯოლიმ Twitter-ზე.

კანადელი მინისტრის განცხადებას უკვე გამოეხმაურა რუსეთის ელჩი ოტავაში ოლეგ სტეპანოვი, რომელმაც მელანი ჯოლის პოზიცია არაპროფესიონალობად შეაფასა.
„დარწმუნებული ვარ, რომ კანადელ კარიერულ დიპლომატებს, კანადის საგარეო საქმეთა სამინისტროს ექსპერტებს ესმით, რომ ეს ჩვეულებრივი პროტოკოლური პრაქტიკაა. ურთიერთპატივისცემა საჭიროა მაშინაც კი, როცა ჩვენი შეხედულებები არ ემთხვევა, ან ჩვენი ქვეყნის პოლიტიკურ ლიდერებს აქვთ დიამეტრალურად საპირისპირო მიდგომები საერთაშორისო დღის წესრიგში არსებულ ზოგიერთ მწვავე საკითხთან დაკავშირებით. ეს არ ნიშნავს, რომ დიპლომატებმა არ უნდა იმუშაონ“, — განაცხადა ელჩმა.
მიღება რუსეთის საელჩოში 10 ივნისს გაიმართა და მას ასზე მეტი სტუმარი დაესწრო. The Globe and Mail-ის ცნობით, კანადის საგარეო საქმეთა სამინისტროს სახელით ღონისძიებაზე გლობალურ საქმეთა დეპარტამენტის პროტოკოლის უფროსის მოადგილე იასემინ ჰაინბეკერი იმყოფებოდა.
ყველა ახალი ამბავი
0